October 23, 2018 
தண்டோரா குழு
லிங்குசாமி இயக்கத்தில்,மறைந்த முதலமைச்சர் ஜெயலலிதாவின் வாழ்க்கை வரலாறு திரைப்படம் உருவாக உள்ளதாக திவாகரன் மகன் ஜெயானந்த் தெரிவித்துள்ளார்.
மறைந்த முன்னாள் முதலமைச்சர் ஜெயலலிதாவின் வாழ்க்கை வரலாறு திரைப்படத்தை எடுக்க இயக்குனர்கள் மத்தியில் போட்டி நிலவி வருகிறது.ஆரம்பத்தில் முதலமைச்சர் ஜெயலலிதாவின் வாழ்க்கை வரலாறு திரைப்படத்தை இயக்குநர் ஏ.எல்.விஜய் இயக்கவுள்ளார் என்று அறிவிக்கப்பட்டது.இதனை ‘Vibriமீடியா’ என்ற நிறுவனம் தயாரிக்கவுள்ளது.
அதைபோல்,மிஷ்கினின் உதவியாளர் பிரியதர்ஷினியும் ஜெயலலிதாவின் பயோ பிக்கை இயக்கவிருக்கிறார்.‘The Iron Lady’ என டைட்டில் சூட்டப்பட்டுள்ள இதனை ‘பேப்பர் டேல் பிக்சர்ஸ்’ என்ற நிறுவனம் தயாரிக்கவுள்ளது.இந்த படத்தில் ஜெயலலிதா கதாபாத்திரத்தில் நித்யா மேனன் நடிக்கவுள்ளார்.இப்படத்தின் படப்பிடிப்பு அடுத்த ஆண்டு (2019) ஜெயலலிதாவின் பிறந்த நாளான பிப்ரவரி 24-ஆம் தேதி முதல் துவங்கவுள்ளனர்.
இந்நிலையில்,பிரபல இயக்குநர் லிங்குசாமியும் ஜெயலலிதாவின் வாழ்க்கை வரலாறை படமாக எடுக்கவுள்ளராம்.இந்த தகவலை திவாகரன் மகன் ஜெயானந்த் தனது சமூக வலைதளபக்கத்தில் தெரிவித்துள்ளார்.
இதுகுறித்து அவர் தனது பேஸ்புக் பக்கத்தில்,
“அம்மாவின் வாழ்க்கை வரலாறு தனித்துவம் கொண்ட இயக்குநர் எனது நண்பர் திரு.லிங்குசாமி அவர்களால் படமாக்கப்படும்.இதில் நடராஜன் மற்றும் சின்னம்மாவின் கதாபாத்திரம் முக்கியத்துவம் வாய்ந்ததாக இருக்கும்.தமிழக அரசியல் தலைவர்களுடன் இயக்குநர் பல செய்திகளின் உண்மைத் தன்மை அறிந்து தகுந்த ஆதாரங்களுடன் இப்படம் எடுக்கப்படும்”. என கூறியுள்ளார்.
For English News
