December 5, 2018 
தண்டோரா குழு
இயக்குநர் மிஷ்கினிடம் உதவியாளராகப் பணியாற்றியவர் பிரியதர்ஷினி. இவர் வரலட்சுமி சரத்குமார் நடிப்பில் ‘சக்தி’ என்ற படத்தை இயக்கி வருகிறார். இதற்கிடையில், ஜெயலலிதாவின் வாழ்க்கை வரலாற்றைப் படமாக இயக்கவுள்ளத அவர் அறிவித்திருந்தார்.
தமிழ்,தெலுங்கு, ஹிந்தி, கன்னடம் என நான்கு மொழிகளில் இப்படம் தயாராகவுள்ளது. ‘தி அயர்ன் லேடி’ (The Iron Lady) என டைட்டில் சூட்டப்பட்டுள்ள இதனை ‘பேப்பர் டேல் பிக்சர்ஸ்’ என்ற நிறுவனம் பிரம்மாண்டமாக தயாரிக்கவுள்ளது. இந்த படத்தில் ஜெயலலிதா கதாபாத்திரத்தில் நித்யா மேனன் நடிக்கவுள்ளார். இப்படத்தின் படப்பிடிப்பு அடுத்த ஆண்டு ஜெயலலிதாவின் பிறந்த நாளான பிப்ரவரி 24-ஆம் தேதி முதல் துவங்கவுள்ளது. தற்போது இதன் ப்ரீ-புரொடக்ஷன் பணிகள் பரபரப்பாக நடைபெற்று வருகிறது.
இந்நிலையில், இன்று (டிசம்பர் 5-ஆம் தேதி) ஜெயலலிதாவின் இரண்டாம் ஆண்டு நினைவு நாளை முன்னிட்டு இப்படத்தின் ஃபர்ஸ்ட் லுக் வெளியிடப்பட்டுள்ளது. ஜெயலலிதா வாழ்க்கை வரலாற்றுப் படத்தை, விஜய் மற்றும் பாரதிராஜா ஆகியோரும் தனித்தனியாக இயக்கவுள்ளனர் என்பது குறிப்பிடத்தக்கது.
For English News
