March 22, 2016 
வெங்கி சதீஷ்
தற்போது நடைபெற உள்ள சட்டமன்ற தேர்தலில் நேரடி பிரச்சாரங்கள் மற்றும் விமர்சனங்களை விடச் சமூக வலைத்தளங்களின் ஆதிக்க அதிகமாக இருக்கும் எனக் கருதப்படுகிறது. அதற்கு அச்சாரமாகக் கடந்த இரு மாதங்களாகவே பிரதான எதிர்க்கட்சியான தி.மு.கவினர் தங்களது பிரச்சாரங்களை துவங்கியுள்ளனர்.
மேலும் அ.தி.மு.க பற்றிய பல்வேறு குற்றச்சாட்டுகளையும் தி.மு.கவினர் கூறி வருகின்றனர். அவை அனைத்தும் சமூக வலைத்தளங்களில் பரவி வருகின்றன. இவற்றைச் சமாளிக்க அ.தி.மு.கவினர் பதிலடி கொடுத்தாலும் இதுவரை சரியான பதிலடியாக எதுவும் அமையவில்லை. பழைய பல்லவியையே பாடி வருகின்றனர். இதனால் போதிய அளவு வரவேற்பு இல்லை. இதனால் புதிய முறையில் பிரச்சாரம் செய்யவும், எதிரணியின் உத்திகளை முறியடிக்கவும் புதிய ஒரு இளைஞரை தொழில்நுட்பத்துறை தலைவராகக் கொண்டுவர அ.தி.மு.க தலைமை நினைத்தது.
அப்போது கோவை மாவட்டம் சிங்கநல்லூரைச் சேர்ந்த மறைந்த முன்னாள் சட்ட மன்ற உறுப்பினர் சிங்கை கோவிந்தராசுவின் மகனும் ஐ.ஐ.எம்மில் படித்தவருமான ராமச்சந்திரனை நியமித்தது. இவர் கோவை பெர்க்ஸ் பள்ளியில் படித்தார். பின்பு பி.எஸ்.ஜி பாலிடெக்னிக் கல்லூரியில் டிப்ளமோவும், பின்னர் பி.எஸ்.ஜி பொறியியல் கல்லூரியில் எஞ்சினியரிங் படிப்பையும் முடித்தார். பின்னர் ஐ.ஐ.எம்மில் மேற்படிப்பை முடித்தார் என்பது குறிப்பிடத்தக்கது. இவர் வருகைக்கு அ.தி.மு.கவினரை உற்சாகப்படுத்துமா என்பதைப் பொறுத்திருந்துதான் பார்க்கவேண்டும்.
For English News
