December 6, 2016 
தண்டோரா குழு
முதல்வர் ஜெயலலிதா மறைவையொட்டி டிசம்பர் 6ம் தேதி முதல் 7 நாட்களுக்கு அரசு முறை துக்கம் கடைபிடிக்கப்படும் என்று ஆளுநர் மாளிகை செவ்வாய்க்கிழமை வெளியிட்ட செய்திக் குறிப்பில் அறிவிக்கப்பட்டுள்ளது. மேலும் தமிழக அரசு சார்பில் தமிழகத்தில் பள்ளி, கல்லூரிகளுக்கு 3 நாட்கள் விடுமுறை விடப்பட்டுள்ளது.
தமிழக பொறுப்பு ஆளுநர் வித்யாசாகர் ராவ் சார்பில் வெளியிடப்பட்ட அறிக்கையில் கூறியிருப்பதாவது:
முதல்வர் ஜெயலலிதா திங்கட்கிழமை (5ம் தேதி) இரவு 11.30 மணிக்குக் காலமானார் என்பதைத் தமிழக அரசு மிகுந்த வருத்தத்துடன் தெரிவித்துக் கொள்கிறது. இதையொட்டி 6ம் தேதி முதல் 7 நாட்களுக்கு அரசு முறை துக்கம் கடைப்பிடிக்கப்படும்.
இந்த நாட்களில் அனைத்து அரசு அலுவலகங்களிலும் தேசியக் கொடி அரைக் கம்பத்தில் பறக்க விடப்படும் இந்த 7 நாட்களும் அரசு நிகழ்ச்சிகள் எதுவும் நடைபெறாது. இவ்வாறு அதில் தெரிவிக்கப்பட்டுள்ளது.மேலும் தமிழக சார்பில் பள்ளி, கல்லூரிகளுக்கு 3 நாட்கள் விடுமுறை அறிவிக்கப்பட்டுள்ளது.
For English News
