October 1, 2021 
தண்டோரா குழு
நடிகர் திலகம் சிவாஜி கணேசனின் 93வது பிறந்தநாள் இன்று கொண்டாடப்பட்டு வருகிறது. இந்நிலையில், நடிகர் திலகம் சிவாஜி கணேசனை கௌரவப்படுத்தும் வகையில் அவரது பிறந்த தினமான இன்று (01.10.2021) சிறப்பு டூடுலை கூகுள் வெளியிட்டுள்ளது.
மூன்று தோற்றங்களில் சிவாஜி காட்சியளிக்கும் இந்த டூடுலை நூபூர் ராஜேஷ் சோக்ஸி வடிமைத்துள்ளார். சிவாஜியின் பேரனும் நடிகருமான விக்ரம் பிரபு தன்னுடைய ட்விட்டர் பக்கத்தின் வாயிலாக கூகுளுக்கும், இந்த டூடுலை வடிமைத்த நூபூர் ராஜேஷ் சோக்ஸிக்கும் நன்றி தெரிவித்துள்ளார்.
வரலாற்றின் முக்கிய நாட்களை நினைவுகூர்வதற்காகவும், அரசியல் தலைவர்கள், கலைத்துறையினர், அறிவியல்துறையினர் எனப் பல்வேறு துறைகளில் சிறப்பாகப் பங்காற்றியவர்களைக் கௌரவிப்பதற்காகவும் இதுபோன்ற டூடுலை கூகுள் வெளியிடுவது வழக்கம். அந்த வகையில், சிவாஜி கணேசனின் 93வது பிறந்த தினமான இன்று இந்த டூடுல் வெளியிடப்பட்டுள்ளது குறிப்பிடத்தக்கது.
For English News
