October 7, 2021 
தண்டோரா குழு
விஜயதசமி, தீபாவளி பண்டிகையை முன்னிட்டு கோவை – சென்னை வழித்தடத்தில் சிறப்பு ரயில் இயக்கப்படுவதாக ரயில்வே நிர்வாகம் சார்பில் தெரிவிக்கப்பட்டுள்ளது.
இதுகுறித்து, சேலம் கோட்ட ரயில்வே நிர்வாகம் வெளியிட்டுள்ள செய்திக்குறிப்பில்,
சென்னை -கோவை அதிவிரைவு சிறப்பு ரயில்( எண்-06005) வருகின்ற 13 ஆம் தேதி மற்றும் நவம்பர் 3 ஆம் தேதி இரவு 11.30 மணிக்கு புறப்பட்டு, மறுநாள் காலை 7.30 மணிக்கு கோவை நிலையத்தைச் சென்றடையும். இதேபோல், கோவை – சென்னை அதிவிரைவு சிறப்பு ரயில்( எண்-06006) வருகின்ற 17 ஆம் தேதி மற்றும் நவம்பர் 7 ஆம் தேதி இரவு 11.30 மணிக்கு, கோவையில் இருந்து புறப்பட்டு, மறுநாள் காலை 7.20 மணிக்கு சென்னை சென்ட்ரலைச் சென்றடையும்.
இந்த ரயிலானது, திருப்பூர், ஈரோடு,சேலம், காட்பாடி நிலையங்களில் நின்று செல்லும் என அதில் தெரிவிக்கப்பட்டுள்ளது.
For English News
