October 29, 2021 
தண்டோரா குழு
கோவை மாவட்டத்தில் 7வது மெகா தடுப்பூசி முகாம் வரும் சனிக்கிழமை நடக்கிறது. இதில் 1.50 லட்சம் நபர்களுக்கு தடுப்பூசி செலுத்த இலக்கு நிர்ணயிக்கப்பட்டுள்ளது.
இதுகுறித்து மாவட்ட ஆட்சியர் சமீரன் தெரிவித்ததாவது:
கோவை மாவட்டத்தில் இதுவரை 6 மெகா தடுப்பூசி முகாம் நடத்தப்பட்டுள்ளது. இதில் மொத்தம் 6 லட்சத்து 68 ஆயிரத்து 861 பேருக்கு தடுப்பூசி செலுத்தப்பட்டுள்ளது. இந்நிலையில் வரும் சனிக்கிழமை 7 வது மெகா தடுப்பூசி வழங்கும் முகாம் நடைபெறவுள்ளது.
கோவை மாவட்டத்தில் ஊரக பகுதிகளில் 271 முகாம்களும், மாநகராட்சி பகுதிகளில் 841 முகாம்களும் என மொத்தம் 1112 முகாம்கள் நடத்தப்படவுள்ளது. இம்முகாம்களில் கொரோனா தடுப்பூசி முகாம்கள் காலை 7 மணி முதல் மாலை 7 மணி வரை தடுப்பூசி செலுத்தப்படவுள்ளது.
இம்முகாமில் சுமார் 1.50 லட்சம் நபர்களுக்கு தடுப்பூசிகள் வழங்கிட இலக்கு நிர்ணயிக்கப்பட்டுள்ளது.
இவ்வாறு அவர் தெரிவித்துள்ளார்.
For English News
