November 17, 2021 
தண்டோரா குழு
நடிகர் விஜய்சேதுபதிக்கு மிரட்டல் விடுத்ததாக அர்ஜுன் சம்பத் மீது 2 பிரிவுகளில் போலீசார் வழக்குப்பதிவு செய்துள்ளனர்.
இது தொடர்பாக கோவை மாநகர காவல்துறை வெளியிட்ட அறிக்கையில்,
கடந்த 07.11.2021 ஆம் தேதியன்று , இந்து மக்கள் கட்சி தமிழகத்தின் நிறுவனத் தலைவர் அர்ஜூன் சம்பத் தமிழ் திரைப்பட நடிகர் விஜய் சேதுபதி ” தேவர் அய்யா அவர்களை இழிவுபடுத்தியதற்காக அவரை உதைப்பவருக்கு ரொக்கப்பரிசு ரூ 1001 / -வழங்கப்படும்” என தனது Twitter பக்கத்தில் பதிவிட்டிருந்தார் . மேற்படி பதிவானது அமைதி மீறுதலை தூண்டும் உட்கருத்துடனும், குற்றமுறு மிரட்டல் விடுத்ததாகவும் உள்ளது.
எனவே இது தொடர்பாக இன்று 17.11.2021 ஆம் தேதி , பி 1 கடைவீதி காவல் நிலைய குற்ற எண்- 633/2021 , U / s 504 , 506 ( i ) IPC ன் படி அர்ஜூன் சம்பத் மீது வழக்கு பதிவு செய்யப்பட்டு , புலன் விசாரணை மேற்கொள்ளப்பட்டு வருகிறது.
இவ்வாறு தெரிவிக்கப்பட்டுள்ளது.
For English News
