December 9, 2021 
தண்டோரா குழு
கோவை சூலூரிலிருந்து குன்னூர் ராணுவ பயிற்சி பள்ளிக்கு ஹெலிகாப்டரில் நேற்று சென்றபோது ஏற்பட்ட விபத்தில் முப்படைகளின் தலைமை தளபதி பிபின் ராவத், அவரது மனைவி மதுலிகா ராவத் உட்பட மொத்தம் 13 பேர் உயிரிழந்தனர்.
இச்சம்பவம் நாடு முழுவதும் பெரும் அதிர்ச்சியை ஏற்படுத்தியது. இதையடுத்து, பிபின் ராவத் உட்பட 13 ராணுவ அதிகாரிகளின் உடல்கள் அஞ்சலிக்காக வெலிங்டன் ராணுவ தளத்தில் வைக்கப்பட்டது.
இந்நிலையில், தெலுங்கானா ஆளுநர்
தமிழிசை சவுந்திரராஜன் பிபின் ராவத் உட்பட 13 ராணுவ அதிகாரிகளின் உடல்களுக்கு அஞ்சலி செலுத்தினார்.
பின்னர் அவர் செய்தியாளர்களிடம் பேசுகையில்,
விபத்தில் பிபின் ராவத் உயிரிழந்தது நெஞ்சை அடைக்கிறது.அவருக்கு அஞ்சலி செலுத்த ஓடோடி வந்துள்ளேன். ஒரு மருத்துவராக, சிகிச்சை பெற்று வரும் விமானி வருணை பார்வையிட்டேன்.அவரது உள்ளுறுப்புகள் சீராக செயல்பட்டு வருகிறது.இளைஞர்கள் இந்த நேரத்தில் தேசப்பற்றுடன் இருக்க வேண்டும் எனக் கூறினார்.
For English News
