December 14, 2021 
தண்டோரா குழு
கோவையில் துரத்திப் பிடிக்க முயன்ற காவல் ஆய்வாளரை கஞ்சா வியாபாரி தள்ளிவிட்டதால் கை மற்றும் கால் எலும்புகளில் முறிவு ஏற்பட்டு காவல் ஆய்வாளர் தனியார் மருத்துவமனையில் அனுமதிக்கப்பட்டுள்ளார்.
கோவை ரத்தினபுரி காவல் நிலையத்தில் ஆய்வாளராக பணியாற்றி வருபவர் ராஜேஷ் கண்ணா. சிவானந்தா காலனியில் கஞ்சா விற்பனை நடைபெற்று வருவதாக வந்த தகவலையடுத்து ஆய்வாளர் ராஜேஷ்கண்ணா மற்றும் உதவி ஆய்வாளர் தலைமை காவலர் சுகந்த ராஜன் ஆகியோர் ரோந்து பணியில் ஈடுபட்டிருந்தனர்.
அப்போது அண்ணாநகர் பகுதியில் சந்தேகத்திற்கிடமான வகையில் வாலிபர் ஒருவர் நின்று கொண்டு இருப்பதை பார்த்து விசாரிக்க அருகில் சென்று உள்ளனர். போலீசார் வருவதை பார்த்து அந்த வாலிபர் தப்பியோட, காவல் ஆய்வாளர் ராஜேஷ் கண்ணா அந்த வாலிபரை துரத்தி பிடிக்க முயன்றார். அப்போது எதிர்பாராதவிதமாக அந்த வாலிபர் காவல் ஆய்வாளரை தள்ளிவிட ஆய்வாளர் கீழே விழுந்த்தில் கை மற்றும் காலில் எலும்பு முறிவு ஏற்பட்டது.
இதனிடையே உடனிருந்த தலைமைக் காவலர் சுகந்த ராஜன் அந்த வாலிபரை துரத்திப் பிடித்து விசாரணை நடத்தியதில், அந்த வாலிபர் சிவானந்தா காலனி பகுதியை சேர்ந்த சூரியபிரகாஷ் என்பதும் முன்னதாக கஞ்சா விற்பனையில் ஈடுபட்டவர் என்பதும் தெரியவந்தது. இதனுடைய படுகாயமடைந்த காவல் ஆய்வாளரை அமைத்த சக காவலர்கள் சாய்பாபா காலனியில் உள்ள தனியார் மருத்துவமனையில் சிகிச்சைக்கு அனுமதித்தனர்.
இது தொடர்பாக வழக்கு பதிவு செய்துள்ள ரத்தினபுரி காவல்துறையினர் சூரிய பிரகாஷ் மீது அரசு ஊழியரை அவரது பணியை செய்யவிடாமல் தடுத்து தாக்குதல் நடத்துல் (353) சட்டத்தின் கீழ் கைது செய்து சிறைக்கு அனுப்பி வைத்தனர்.
For English News
