January 20, 2022 
தண்டோரா குழு
கோவை மாவட்ட ஆட்சியர் சமீரன் கூறியிருப்பதாவது:
கோவை மாவட்டத்தில் துணை இயக்குனர் சுகாதார பணிகள் கட்டுப்பாட்டில் இயங்கும் 12 வட்டார ஆரம்ப சுகாதார நிலையங்களில் கொரோனா தடுப்பு பணிகளுக்காக 2 மாத காலத்திற்கு தற்காலிகமாக தொகுப்பூதிய அடிப்படையில் 24 லேப் டெக்னீசியன்கள் மற்றும 12 ஓட்டுனர் – பணியிடங்கள் மாவட்ட நல வாழ்வு சங்கம் மூலம் தேர்வு செய்யப்பட உள்ளது.
தகுதியுடைய விண்ணப்பதாரர்கள் விண்ணப்படிவங்களை கோவை மாவட்ட இணையதள முகவரி http://coimbatore.nic.in லிருந்து பதிவிறக்கம் செய்து கொள்ளலாம்.
மேலும், விண்ணப்பதாரர்கள் தங்களின் கல்வித்தகுதிக்கான கையொப்பமிட்ட சான்றிதழ்களின் நகல்கள், முன் அனுபவ சான்றிதழ்கள், மற்றும் புகைப்படத்துடன் கூடிய விண்ணப்பங்களை வரும் 27ம் தேதி அன்று மாலை 5 மணிக்குள் ரேஸ்கோர்ஸில் உள்ள துணை இயக்குனர், சுகாதார பணிகள் அலுவலகத்தில் நேரில் அளிக்கலாம் மேற்படி பணிகளுக்கான நேர்முக தேர்வு வரும் 28ம் தேதி காலை 10 மணிக்கு துணை இயக்குனர் அலுவலகத்தில் நடைபெறும்.
இவ்வாறு அவர் கூறியுள்ளார்.
For English News
