August 17, 2019 
தண்டோரா குழு
கடந்த 2016ம் ஆண்டு வெளியான ‘துருவங்கள் பதினாறு’ படத்தின் மூலம் இயக்குநராக அறிமுகமானவர் கார்த்திக் நரேன். அதன் பின் அர்விந்த் சாமியை வைத்து நரகாசுரன் படத்தை இயக்கியுள்ளார். இப்படம் விரைவில் திரைக்கு வரவுள்ளது.
இவர் தற்போது ‘மாஃபியா’ என்னும் படத்தினை இயக்கி வருகிறார். இப்படத்தில் அருண் விஜய் ஹீரோவாக நடிக்கிறார். மேலும், பிரசன்னா, பிரியா பவானி ஷங்கர் உள்ளிட்டோரும் நடித்து வருகின்றனர்.
இந்த படத்தை லைக்கா நிறுவனம் சார்பாக சுபாஷ்கரன் தயாரிக்கவிருக்கிறார். இந்நிலையில் இந்த படத்தின் டீஸர் தயாராகியுள்ளதாகவும், சூர்யாவின் காப்பான் படத்துடன் திரையரங்குகளில் மாஃபியா டீஸர் ஒளிபரப்பாகும் எனவும் தகவல் கிடைத்துள்ளது. லைக்கா நிறுவனம் தயாரித்துள்ள சூர்யாவின் காப்பான் செப்டம்பர் 20ம் தேதி வெளியாகவுள்ளது என்பது குறிப்பிடத்தக்கது.
For English News
