September 21, 2019
தண்டோரா குழு
பிரபல தொலைக்காட்சியில் கமல்ஹாசன் தொகுத்து வழங்கி வரும் நிகழ்ச்சி பிக் பாஸ். இந்நிகழ்ச்சியில் மூன்று சீசனையும் கமல் தான் தொகுத்து வழங்கி வருகிறார். சர்ச்சைகளுக்கு பஞ்சமில்லாமல் பரபரப்பாக ஒளிபரப்பாகிக் கொண்டிருக்கும் இந்நிகழ்ச்சியில் குறித்து சமீபத்தில் ஒரு செய்தி வெளியானது. பிக்பாஸின் அடுத்த சீசனை கமல் தொகுத்து வழங்கமாட்டார் என்பதே.
இதனால் இந்த நிகழ்ச்சியின் 4ம் பாகத்தை யார் தொகுத்து வழங்கவிருக்கிறார் என்கிற கேள்வி சமூகவலைதளங்களில் எழுந்தது. இதனை அடுத்து சூர்யா, சரத்குமார்,சிம்பு,ஆகியோரில் ஒருவர் தொகுத்து வழங்கலாம் என்று பரவலாக பேசப்பட்டது.
இந்நிலையில், இதனை மறுத்து நிகழ்ச்சியை நடத்தும் தொலைக்காட்சி நிறுவனம் அறிவிப்பு ஒன்றை அறிவித்திருக்கிறது.அதில்
“அடுத்த சீசனுக்கு கமல் தான் தொகுப்பாளர். வேறு யாரிடமும் நாங்கள் பேசவில்லை. வேறு யாரையும் தொகுப்பாளராகக் கொண்டு வரும் எண்ணமுமில்லை” என அந்த அறிவிப்பு கூறுகிறது.