April 10, 2023
தண்டோரா குழு
பரியேறும் பெருமாள் படத்தின் மூலம் இயக்குனராக அறிமுகமானவர் மாரி செல்வராஜ். பின்னர் நடிகர் தனுஷை வைத்து கர்ணன் திரைப்படத்தை இயக்கி, தமிழ் சினிமாவில் தனக்கான ஒரு இடத்தை பிடித்தார்.
தற்போது, உதயநிதி ஸ்டாலின் நடிப்பில் மாமன்னன் படத்தை மாரி செல்வராஜ் இயக்கி வருகிறார். இப்படம் விரைவில் திரைக்கு வரவுள்ளது.
இந்நிலையில், மீண்டும் தனுஷை வைத்து புதிய படம் இயக்க இருப்பதாக அதிகாரபூர்வ தகவல் வெளியாகியுள்ளது.இந்த திரைப்படத்தை ஜீ(zee) ஸ்டுடியோஸ் மற்றும் தனுசின் வுண்டர்பார் பிலிம்ஸ் நிறுவனம் இணைந்து தயாரிக்கவுள்ளது.
தற்போது இந்த அறிவிப்பு தனுஷ் ரசிகர்களிடையே மிகுந்த எதிர்ப்பார்பை ஏற்படுத்தியுள்ளது.