June 29, 2018 
தண்டோரா குழு
மலையாள நடிகர்கள் சங்கத்திலிருந்து விலகிய முன்னணி நடிகைகளுக்கு நடிகர் பிரித்விராஜ் ஆதரவு தெரிவித்துள்ளார்.
கேரளாவில் மலையாள நடிகர் சங்கம் ‘அம்மா’ என்ற பெயரில் செயல்பட்டு வருகிறது.இந்த சங்கத்தில் கடந்த 18 ஆண்டுகளாக நடிகர் இன்னசென்ட் தலைவராக இருந்து வந்தார்.இந்நிலையில் உடல்நலக்குறைவால் அவர் பதவியில் இருந்து விலகினார்.இதையடுத்து மலையாள நடிகர் சங்க பொதுக்குழு கூட்டத்தில்,சங்க தலைவராக நடிகர் மோகன்லால் போட்டியின்றி தேர்வு செய்யப்பட்டார்.
இதனிடையே,மலையாள நடிகர்கள் சங்கமான அம்மாவின் புதிய தலைவராக மோகன்லால் பதவியேற்றப்பின்,நடிகர் சங்கத்தில் இருந்து நீக்கப்பட்ட திலீப் அதில் மீண்டும் உறுப்பினராக சேர்க்கப்பட்டார்.இதற்கு WCC என்ற பெண் சினிமாக் கலைஞர்கள் சங்கம் கடும் எதிர்ப்பு தெரிவித்தது.
தற்போது,நிபந்தனை ஜாமீனில் வெளியே இருக்கும் திலீப்பிற்கு ஆதரவாக செயல்படும் மலையாள நடிகர்கள் சங்கத்திலிருந்து ரம்யா நம்பீசன்,ரீமா கல்லிங்கள்,கீத்து மோகன்தாஸ் உள்ளிட்ட நடிகைகள் விலகினர்.அவர்களின் இந்த முடிவுக்கு பல்வேறு நடிகர்களும்,நடிகைகளும் தங்கள் ஆதரவைத் தெரிவித்து வருகின்றனர்.
இந்நிலையில் நடிகர் திலீப்புக்கு கண்டனம் தெரிவித்து நடிகைகள் விலகியதற்கு நடிகர் பிரித்விராஜ் ஆதரவு தெரிவித்துள்ளார்.
For English News
