January 27, 2017
tamilsamayam.com
தமிழ் சினிமாவின் அனுபவம் மிக்க இரண்டு கதாநாயகிகளான திரிஷா மற்றும் நயன்தாராவுடன் நடிக்கும் வாய்ப்பை மலையாள நடிகர் நிவின் பாலி பெற்றுள்ளார்.
கடந்த 10 ஆண்டுகளுக்கு மேலாக தமிழ் சினிமாவில் நடித்து வரும் சீனியர் நடிகைகள் திரிஷா மற்றும் நயன்தாரா. தற்போது திரிஷாவிற்கு மார்க்கெட் குறைந்துவிட்டது என்றாலும் நயன்தாரா தொடர்ந்து முதலிடத்தில் உள்ளார். இந்நிலையில் நடிகை திரிஷா மலையாள திரை உலகின் இளம் ஹீரோ நிவின் பாலியுடன் ஜோடி சேர உள்ளார். இவர் தமிழில் நேரம் படத்தில் நடித்திருந்தாலும், பிரேமம் படம் மூலம் பல தமிழ் ரசிகர்களைப்பெற்றவர்.
அதே போல் மற்றொரு படத்தில் நயன்தாராவுடன் நடிக்க நிவின் பாலி கமிட் ஆகியுள்ளார். தமிழ் சினிமாவின் இரண்டு முன்னணி ஹீரோயின்களுடன் சேர்ந்து நடிக்கும் அதிர்ஷ்டத்தை நிவின் பாலி பெற்றுள்ளார் என்பது குறிப்பிடத்தக்கது.