July 2, 2019 
தண்டோரா குழு
துருவங்கள் 16′ படத்தின் மூலம் தமிழ் சினிமாவில் இயக்குநராக அறிமுகமானவர் கார்த்திக் நரேன். முதல் படத்திலேயே இவருக்கு நல்ல பாராட்டுக்கள் கிடைத்தது. இதனையடுத்து அரவிந்தசாமி நடித்த ‘நரகாசுரன்’ படத்தை இயக்கினார். இப்படத்தின் படப்படிப்பு நிறைவடைந்து விரைவில் திரைக்கு வரவுள்ளது.
இதற்கிடையில், கார்த்திக் நரேன் அடுத்ததாக அருண் நடிக்கும் மாஃபியா படத்தை இயக்கவுள்ளார். இப்படத்தை லைகா நிறுவனம் தயாரிக்கவுள்ளது. மேலும் இப்படத்தில் நடிகர் பிரசன்னா, நடிகை பிரியா பவானிசங்கர் முக்கிய கதாபாத்திரத்தில் நடிக்கவுள்ளனர்.
இந்நிலையில் இப்படத்தின் பர்ஸ்ட் லுக் போஸ்டரை லைகா நிறுவனம் இன்று வெளியிட்டுள்ளது. இந்த படத்தின் முதற்கட்ட பணிகள் தொடங்கியிருக்கும் நிலையில் இந்த படத்தின் படப்பிடிப்பு வரும் 6 ஆம் தேதி தொடங்கும் என எதிர்பார்க்கப்படுகிறது.
For English News
