July 20, 2017 
தண்டோரா குழு
தயாரிப்பாளர், இயக்குநர் என கோலிவுட்டில் பிஸியாக இருந்து வரும் நடிகர் தனுஷ் பாலிவுட்டிலும் நடித்து தற்போது ஹாலிவுட்டிலும் கால் பதித்துள்ளார்.
ஹாலிவுட் இயக்குநர் கென் ஸ்காட் இயக்கும் “த எக்ஸ்ட்ரா ஆர்டினரி ஜர்னி ஆப் த பகிர்” படத்தில் பேய் விரட்டுபவராக தனுஷ் நடிக்கிறார். அவருடன் பர்காத் அப்தி, அபேல் ஜாஃப்ரி உட்பட பலர் நடிக்கின்றனர். இப்படத்தின் படப்பிடிப்பு பல்வேறு நாடுகளில் நடைபெற்றது.இந்நிலையில், இப்படத்தின் ஷூட்டிங் முடிவடைந்து விட்டதாக தனுஷ் தெரிவித்துள்ளார்.
இது குறித்து தனுஷ் கூறும்போது,
‘பகிரின் பயணம் முடிவடைந்துவிட்டது. உண்மையிலேயே பிரமிப்பாக இருக்கிறது. மொத்தப் படக்குழுவுக்கும் என் அன்பும் நன்றியும். உங்களை மிஸ் பண்ணுகிறேன். அடுத்த ஸ்டாப், வீடு’ என்று கூறியுள்ளார்.
இதனைத் தொடர்ந்து தனுஷ் வெற்றிமாறனின் ’வட சென்னை’ படத்தில் நடிக்க இருக்கிறார் என்பது குறிப்பிடத்தக்கது.
For English News
