June 2, 2017 
tamilsamayam.com
விஜய் வைத்து இயக்கி வரும் அட்லி அந்தப் படத்தின் தயாரிப்பு நிறுவனத்திற்கு பெரிய தலைவலியை ஏற்படுத்தி வருவதாக அவ்வப்போது செய்தி வெளியாகி வருகிறது.
‘தெறி’ படத்தின் வெற்றியால், மீண்டும் அட்லி இயக்கத்தில் விஜய் நடித்து வருகிறார். இந்த படத்தை தேனாண்டாள் பிலிம்ஸ் தயாரிக்கிறது. இந்நிலையில் விஜய் 61 படத்தின் பட்ஜெட் சொன்னதை விட பல மடங்கு எகிறிவிட்டதாம். பட்ஜெட் ரூ.100 கோடிக்கு மேல் சென்றுவிட்டதாக கூறப்படுகிறது. ஆனால், படப்பிடிப்புக்கு முன்னர் அட்லி இந்த அளவு பட்ஜெட்டை வரும் என்று சொல்லவில்லை என கூறப்படுகிறது.
இதனால் தயாரிப்பு நிறுவனத்தின் அடுத்த தயாரிப்பான ‘சங்கமித்ரா’வுக்கு பண பற்றாக்குறை ஏற்பட்டுள்ளதாம். அட்லியின் இந்த செயல் தயாரிப்பு குழுவிற்கு பெரும் தலைவலியை ஏற்படுத்தியுள்ளது. விஜய் பெரிய நடிகர் என்பதால் தயாரிப்பு குழு எதுவும் பேச முடியாமல் மவுனம் காத்து வருவதாக கூறப்படுகிறது.
For English News
