March 2, 2017 
tamilsamayam.com
2012-ஆம் ஆண்டிற்கான சிறந்த இசையமைப்பாளர் விருதை பெற்றுள்ளார் இசைஞானி இளையராஜா.
ஒவ்வொரு ஆண்டும் ஆந்திர மாநில அரசு சிறந்த தெலுங்கு திரைப்படங்களுக்கு பல்வேறு பிரிவுகளில் ‘நந்தி’ விருதுகள் வழங்குவது வழக்கம்.ஆனால் தெலங்கானா மற்றும் ஆந்திர மாநிலங்கள் பிரிக்கப்பட்டதால்,கடந்த 2012 மற்றும் 2013-ஆம் ஆண்டிற்கான நந்தி விருதுகள் வழங்கப்படவில்லை.
இந்நிலையில் நேற்று விடுபட்ட அந்த இரண்டு ஆண்டுகளுக்கான விருதுகளை ஆந்திர மாநில அரசு அறிவித்துள்ளது.2012-ஆம் ஆண்டின் சிறந்த தெலுங்கு திரைப்படமாக ராஜ மெளலி இயக்கத்தில் வெளியான “நான் ஈகா” திரைப்படம் தேர்ந்தெடுக்கப்பட்டது.இந்த படம் பல்வேறு பிரிவுகளின் கீழ் 6 விருதுகளை பெற்றது.
அதே போல கெளதம் வாசுதேவ் இயக்கத்தில் வெளியான ’ஏதோ வெளிபோயிண்டி மனசு’ திரைப்படத்திற்கு ஐந்து விருதுகள் கிடைத்துள்ளன.இந்த படத்தின் இசையமைப்பாளரான இளையராஜாவுக்கு சிறந்த இசையமைப்பாளருக்கான விருது கிடைத்துள்ளது.
For English News
