November 24, 2021
தண்டோரா குழு
சன் பிச்சர்ஸ் நிறுவனம் தயாரிப்பில்,சிறுத்தை சிவா இயக்கத்தில் நடிகர் ரஜினிகாந்த் ‘அண்ணாத்த’ படத்தில் நடித்திருந்தார். இப்படம் தீபாவளியன்று வெளியாகி பல்வேறு விமர்சனங்களை பெற்றிருந்தாலும்
வசூல் ரீதியாக நல்ல வரவேற்பை பெற்றது.
இதையடுத்து, நடிகர் ரஜினிகாந்த் அடுத்த யார் இயக்கத்தில் நடிக்கவுள்ளார் என்ற எதிர்பார்ப்பு நிலவியது. இந்நிலையில், நடிகர் ரஜினிகாந்தின் அடுத்த படம் குறித்த தகவல் வெளியாகியுள்ளது.
அதன்படி, இயக்குநர் பாண்டிராஜ் இயக்கும் அடுத்த படத்தில் நடிகர் ரஜினிகாந்த் நடிக்கவுள்ளதாகக் கூறப்படுகிறது.
இயக்குநர் பாண்டிராஜ் தற்போது சூர்யா நடிக்கும் ‘எதற்கும் துணிந்தவன்’ படத்தை இயக்கிவருகிறார். படத்தின் படப்பிடிப்பை நிறைவுசெய்த படக்குழு இறுதிக்கட்ட பணியில் தீவிரம் காட்டிவருகிறது.
இப்படத்தின் பணிகள் முடிந்த பிறகு ரஜினிகாந்த் நடிக்கும் படத்தில் இயக்குநர் பாண்டிராஜ் கவனம் செலுத்த உள்ளதாக தகவல் வெளியகியுள்ளது. ஆனால் இயக்குநர் தரப்பிலிருந்து இதுகுறித்து எந்த ஒரு அறிவிப்பும் வரவில்லை என்பது குறிப்பிடத்தக்கது.