May 30, 2018 
தண்டோரா குழு
திருமணத்திற்கு பின் நடிக்கமால் இருந்த நடிகை ஜோதிகா 36வயதினிலே படத்தின் மூலம் ரீ என்ட்ரி கொடுத்தார்.அதன்பின் மகளிர் மட்டும், பாலாவின் நாச்சியார் படங்கள் ஜோதிகாவிற்கு நல்ல வரவேற்ப்பை கொடுத்தது.
தற்போது ஜோதிகா மணிரத்னம் இயக்கத்தில் ‘செக்க சிவந்த வானம்’ படத்தில் நடித்து வருகிறார். இதனையடுத்து ஜோதிகா இந்தியில் வெளியாகி நல்ல வரவேற்பை பெற்ற ‘தும்ஹரி சூளு’ படத்தின் தமிழ் ரீமேக் படத்தில் நடிக்கவுள்ளார். தமிழில் ‘காற்றின் மொழி’ என்று தலைப்பு வைக்கப்பட்டுள்ள இப்படத்தின் படப்பிடிப்பு வரும் ஜூன் 4ம் தேதி துவங்கவுள்ளதாக படக்குழு தெரிவித்துள்ளது.
ராதா மோகன் இயக்கும் இந்த படத்தில் இந்த படத்தில் ஜோதிகாவின் கணவராக நடிகர் விதார்த் நடிக்கிறார். இந்தியில் நேகா நடித்த வேடத்தில், லட்சுமி மஞ்சு நடிக்கிறார். போப்டா நிறுவனம் சார்பில் தனஞ்செயன் தயாரிக்கும் இந்த படத்திற்கு ஏ.எச்.காஷிப் இசையமைக்கிறார்என்பது குறிப்பிடத்தக்கது.
For English News
