August 27, 2020 
தண்டோரா குழு
விஜய் தொலைக்காட்சியின் பிக் பாஸ் நிகழ்ச்சியின் முதல் மூன்று சீசனையும் கமல்ஹாசன் தொகுத்து வழங்கினார். ஆண்டு தோறும் பிக் பாஸ் நிகழ்ச்சியை ஜூன், ஜூலையில் ஒளிபரப்பி வந்த விஜய் டிவி, இம்முறை கரோனா வைரஸ் பாதிப்பு காரணத்தால் அந்த திட்டத்தை தள்ளி வைத்தது. தொடர்ந்து கரோனா வைரஸ் பாதிப்பு அதிகம் இருந்து வந்ததால் இந்த ஆண்டு பிக்பாஸ் நிகழ்ச்சி நடக்குமா? என்ற கேள்வி எழுந்தது.
இந்நிலையில், கமல்ஹாசன் தொகுத்து வழங்கும் விஜய் தொலைக்காட்சியின் ‘பிக் பாஸ்’ சீசன் 4 ஷூட்டிங்கை விரைவில் தொடக்க சேனல் தரப்பினர் முனைந்துள்ளனர்.
இந்நிலையில் வருகிற செப்டம்பர் மாதம் பிக் பாஸ் நிகழ்ச்சிக்கான முதல்கட்ட வேலைகளை தொடங்க விஜய் டிவி நிர்வாகம் தயாராகி வருகிறது. அக்டோபர், நவம்பர் என மூன்று மாதங்களும் இதற்கான முழு வேலைகளையும் முடித்து ஒளிபரப்பையும் நிகழ்த்தி விட வேண்டும் என சேனல் தரப்பு திட்டமிட்டுள்ளது.
இந்நிலையில், தற்போது பிக் பாஸ் நிகழ்ச்சி விரைவில் துவங்க உள்ளதாக கமல் பேசும் ப்ரோமோ வீடியோ வெளியாகியுள்ளது.
For English News
