November 26, 2018 
தண்டோரா குழு
சர்கார் படத்தை அடுத்து விஜய் அட்லி இயக்கத்தில் நடிக்க உள்ள படம் தளபதி 63.ஏஜிஎஸ் என்டர்டெயின்மென்ட் தயாரிக்கவுள்ள இப்படத்திற்கு ஏ. ஆர்.ரஹ்மான் இசையமைக்கவுள்ளார்.இப்படம் அடுத்த ஆண்டு தீபாவளிக்கு வெளியாகும் என அறிவிக்கப்பட்டது.இதற்கிடையில்,இப்படத்தில் விஜய்க்கு ஜோடியாக நடிக்க சமந்தா, நயன்தாரா உள்ளிட்டோரின் பெயர்கள் அடிபட்டது.
இந்நிலையில் விஜய்க்கு ஜோடியாக நயன்தாரா நடிப்பதாக அறிவிப்பு வெளியாகியுள்ளது.தளபதி 63 படத்தின் ஹீரோயின் நயன்தாரா என்று தயாரிப்பாளர் அர்ச்சனா கல்பாத்தி ட்விட்டரில் தெரிவித்துள்ளார்.பிரபுதேவா இயக்கத்தில் கடந்த 2009ம் ஆண்டு வெளியான வில்லு படத்தில் விஜய்,நயன்தாரா முதல் முறையாக ஜோடியாக நடித்தனர்.அதன் பிறகு 9 ஆண்டுகள் கழித்து தற்போது மீண்டும் ஜோடி சேர்ந்துள்ளனர்.விஜய்யின் சிவகாசி படத்தில் ஒரு பாடலுக்கு மட்டும் நயன்தாரா நடனம் ஆடினார் என்பது குறிப்பிடத்தக்கது.
For English News
