May 15, 2020 
தண்டோரா கு ழு
கொரோனா பரவுவதைக் கட்டுப்படுத்த மே 17-ம் தேதி வரை ஊரடங்கு நீட்டிக்கப்பட்டுள்ளது. எனினும்,சில தளர்வுகளை மத்திய, மாநில அரசுகள் அறிவித்திருந்தாலும் திரையரங்கங்கள் எப்போது திறக்கப்படும் என்பது கேள்விக்குறியாகவே உள்ளது.ஏனெனில் இப்போதிருக்கும் சூழலில் தனி மனித இடைவெளி என்பது மிக நம் வாழ்க்கைச் சூழலில் இன்றியமையாத ஒன்றாகிவிட்டது. இந்த ஊரடங்கால் திரைத்துறை முழுவதும் முடங்கியுள்ள நிலையில் சில தயாரிப்பாளர்கள் தங்களது படங்களை நேரடியாக OTT தளத்தில் ரிலீஸ் செய்ய முடிவெடுத்தனர்.
இதற்கிடையே கொரோனா காரணமாகத் திரையுலகம் முடங்கியுள்ளதால் ரிலீசுக்குத் தயாராகவுள்ள படங்களை ஓ.டி.டி. நிறுவனங்கள் நேரடி டிஜிட்டல் ரிலீசுக்காகக் கைப்பற்றி வருகின்றது.அந்த வகையில் தம்பி’ படத்தைத் தொடர்ந்து ஜோதிகா நடிப்பில் உருவான படம் ‘பொன்மகள் வந்தாள்’. புதுமுக இயக்குனர் ஜே.ஜே. பிரிட்டோ இயக்கத்தில் சூர்யாவின் 2டி நிறுவனம் இப்படத்தைத் தயாரிக்கிறது.படத்தின் ஷூட்டிங் முழுவதுமாக முடிக்கப்பட்டு இறுதிக் கட்ட பணிகள் மும்முரமாக நடைபெற்று வந்த நிலையில் ‘பொன்மகள் வந்தாள்’ படம் மார்ச் 27- ஆம் தேதி வெளியிடப்படும் என்று அறிவிக்கப்பட்டிருந்தது.
இதனிடையே,’பொன்மகள் வந்தாள்’ படத்தை அமேசான் பிரைம் சமீபத்தில் கைப்பற்றியது. இந்நிலையில் இப்படம் வரும் மே 29- ஆம் தேதி வெளியாகிவுள்ளதாக அமேசான் பிரைம் நிறுவனம் தற்போது அதிகாரபூர்வமாக அறிவித்துள்ளது.அதைப்போல்
நடிகை கீர்த்தி சுரேஷ் இயக்குனர் கார்த்திக் சுப்புராஜின் ஸ்டோன் பெஞ்ச் நிறுவனம் தயாரிக்கும் ’பெண்குயின்’ படத்தில் நடித்துள்ளார். கர்ப்பிணிப் பெண் வேடத்தில் கீர்த்தி சுரேஷ் நடித்துள்ள இப்படத்தின் பர்ஸ்ட் லுக் போஸ்டர் கீர்த்தியின் பிறந்தநாளன்று வெளியானது. முழுக்க முழுக்க திரில்லர் பாணியில் உருவாகும் இப்படத்தை அறிமுக இயக்குநர் ஈஸ்வர் கார்த்திக் இயக்கியுள்ளார். இந்நிலையில் ’பெண்குயின்’ படம் வரும் ஜூன் 19 ஆம் தேதி வெளியாகிவுள்ளதாக அமேசான் பிரைம் நிறுவனம் தற்போது அதிகாரபூர்வமாக அறிவித்துள்ளது.
ஹாலிவுட் நடிகர் வில் ஸ்மித் பகிர்ந்த சத்குருவின் புகைப்படம்!
விநாயகர் சதுர்த்தியை முன்னிட்டு கோவை வடக்கு மாவட்ட திமுக சிறுபான்மை அணி தலைவர் ஆரோக்கிய ஜான் அன்னதானம்.
கோவை மருத்துவர் டாக்டர் R பாலமுருகனுக்கு மருத்துவ நட்சத்திரம் சிறப்பு விருது
கொடிசியா அருகில் குறைந்த விலையில் “டெல்டா சிட்டி” அடுக்குமாடி குடியிருப்பு திட்டம் திட்டம் துவக்கம்
ஸ்கோடா ஆட்டோ இந்தியா அறிமுகப்படுத்தும் ஆல்-நியூ ஸ்லேவியா மாண்டே கார்லோ
புத்ரி திட்டத்தின் 10வது உத்தியோக உற்சவம்: 400க்கும் மேற்பட்ட மாணவிகளுக்கு தொழில் வழிகாட்டுதல்
For English News
