March 10, 2017 
tamilsamayam.com
சிம்பு தனது அம்மா உஷாவை சந்தானம் படத்தின் மூலம் பாடகியாக அறிமுகமாக்கியுள்ளார்.
நடிகர் சந்தானம் தற்போது நடித்து வரும் படம் ‘சக்க போடு போடு ராஜா’. இந்தப் படத்தை வி.டி.வி.கணேஷ் தயாரித்து வருகிறார். படத்திற்கு சிம்பு இசையமைக்கிறார். படத்தில் சந்தானம் ஜோடியாக வைபவி ஷாண்டில்யா நடிக்கிறார். இப்படத்தில் மொத்தம் 5 பாடல்கள்.
இந்த ஐந்து பாடல்களையும் கம்பேசிங் செய்து விட்டாராம் சிம்பு. இந்த 5 பாடல்களில் ‘வா முனிமா வா’ என்று துவங்கும் பழைய பாடலை தன்னுடைய தந்தை டி.ராஜேந்தர் மற்றும் தாயார் உஷா ராஜேந்தரை பாட வைத்து பதிவு செய்துள்ளார். இந்தப்பாடல் ஹிட்டானால் தொடர்ந்து பாடுவது என்ற முடிவில் இருக்கிறாராம் உஷா ராஜேந்தர்.
அதைப்போல சந்தானத்தின் அறிமுகப் பாடலை அனிருத்தை பாட வைத்து பதிவு செய்துள்ளார் சிம்பு. வைரமுத்து எழுதியுள்ள ‘காதல் தேவதை…’ என்று துவங்கும் பாடலை யுவன் சங்கர் ராஜாவை பாட வைத்துள்ளார். இத்துடன் இந்த படத்தில் இரண்டு புதிய பாடகர்களை அறிமுகப்படுத்தியும் இருக்கிறார் சிம்பு.அவர்களில் ஒருவர் பின்னணி பாடகர் உன்னி கிருஷ்ணனின் மகன் வாசுதேவ் கிருஷ்ணன். இன்னொருவர் கீர்த்தனா.
For English News
