November 12, 2016 
தண்டோரா குழு
மதுராந்தகத்தில் ஃபேஸ்புக் மோகத்தால் ரூ. 500 நோட்டுகளைக் குப்பைத் தொட்டியில் வீசிய ஆட்டோ டிரைவரை போலீசார் கைது செய்தனர்.
காஞ்சிபுரம் மாவட்டம் மதுராந்தகத்தை சேர்ந்தவர் ஆட்டோ ஓட்டுநர் சாந்தகுமார். கடந்த 8-ம் தேதி மத்திய அரசு 500, 1000 ரூபாய் நோட்டுகள் செல்லாது என அறிவித்த போது, இவர் தனது ஃபேஸ்புக் பக்கத்தில் தீவிரமாகக் கருத்துகளை வெளியிட்டுள்ளார்.
இந்நிலையில், ஃபேஸ்புக் மோகத்தால் ஃபேஸ்புக்கில், குப்பையில் பணம் இருப்பது போன்று போட்டோ போட்டு ‘லைக்’ வாங்க விரும்பிய சாந்தகுமார், சுமார் ரூ. 8 ஆயிரம் மதிப்பிலான 500 ரூபாய் நோட்டுகளை குப்பையில் கொட்டினார்.
பின்னர், அதை அப்படியே தனது செல்போனில் புகைப்படம் எடுத்துவிட்டு, அப்பணத்தை மீண்டும் எடுக்க முயன்றார். அப்போது போலீசாரிடம் சிக்கினார். போலீசார் ஆட்டோ ஓட்டுநர் சாந்தகுமாரரைக் கைது செய்தனர்.
For English News
