March 31, 2022 
தண்டோரா குழு
இந்தியாவின் மிகப்பெரிய முதலீட்டுத் தளங்களில் ஒன்றான அப்ஸ்டாக்ஸ் (ஆர்கேஎஸ்வி செக்யூரிட்டீஸ் இந்தியா பிரைவேட் லிமிடெட் என்றும் அழைக்கப்படுகிறது). தனது இந்தியன் பிரீமியர் லீக் (ஐபிஎல்) 2022 பிரச்சாரமான ‘ஓன் யுவர் ஃப்யூச்சர்’-ஐ அறிமுகப்படுத்தியது. இளம் இந்தியர்களை ஈக்விட்டி சந்தையில் பங்கேற்க ஊக்குவிப்பது, புத்திசாலித்தனமாக முதலீடு செய்வது, காலப்போக்கில் வளரும் சொத்துக்களை சொந்தமாக வைத்திருப்பது மற்றும் அவர்களின் எதிர்காலத்தைக் அடக்கியாள உதவுவதன் மூலம் நாட்டில் நிதி உள்ளடக்கத்தை ஊக்குவிப்பதே இந்த பிரச்சாரத்தின் குறிக்கோள் ஆகும்.
பங்குதாரர் மதிப்பை அதிகரிப்பதே எந்தவொரு நிறுவனத்தின் மற்றும் அதன் நிர்வாகத்தின் குறிக்கோள் ஆகும். ஒருவரின் பங்குகளை வாங்குவதன் மூலமும், அதில் பங்குதாரராக மாறுவதன் மூலமும், அதன் மூலம் உங்கள் வருமானத்தை மேம்படுத்த நிறுவனமும் அதன் நிர்வாகமும் இணைந்து செயல்படுவதன் மூலமும், “உங்களுக்குப் பிடித்த நிறுவனங்களை உங்களுக்காக வேலை செய்ய வைப்பது எப்படி” என்பதை விளக்கும் தொடர்ச்சியான இலகுவான வீடியோக்கள் இந்த பிரச்சாரத்தில் அடங்கும்.
இந்தத் தொடரின் முதல் இரண்டு வீடியோக்கள் டாடா ஐபிஎல் 2022 ன் தொடக்கத்துடன் வெளியிடப்பட்டன. ஒரு வீடியோ மூன்று நண்பர்கள் மீண்டும் இணைவதைக் காட்டுகிறது, அங்கு அவர்கள் தங்கள் தொழில் வளர்ச்சியைப் பற்றி விவாதிக்கின்றனர். தொடரின் மற்றொரு வீடியோ, ஒரு நண்பரின் பதவி உயர்வு பற்றி விவாதிக்க,ஒரு உணவகத்தில், இரண்டு நண்பர்களுக்கு இடையே நடக்கும் சந்திப்பைப் படம்பிடிக்கிறது.
அப்ஸ்டாக்ஸின் இணை நிறுவனர் கவிதா சுப்ரமணியன் கூறுகையில்,
“உங்கள் எதிர்காலத்தை சொந்தமாக்குங்கள்” என்ற பிரச்சாரமானது, அதிக இந்தியர்களை பங்குச் சந்தையில் பங்குபெற ஊக்குவிப்பதோடு, அப்ஸ்டாக்ஸ் மூலம் சரியான முதலீட்டுத் தேர்வுகளை மேற்கொள்ளவும் விரும்புகிறது. இன்றைய இளம் இந்தியர்கள், நிறுவனங்களில் பங்குகளை வைத்திருப்பதன் மூலம் சொத்துக்களை சொந்தமாக்குவதன் மதிப்பையும், ஒரு போர்ட்ஃபோலியோவை உருவாக்குவதையும் புரிந்துகொள்கிறார்கள். ஸ்டார்ட்அப் கலாசாரத்தில் ஒரு பெரிய எழுச்சி உள்ளது, மேலும் ஒவ்வொருவரும் தொழில்முனைவோராக இருக்க முடியாவிட்டாலும், நீங்கள் ஒரு நிறுவனத்தின் பங்குகளை வைத்திருக்கலாம் மற்றும் அதன் நீண்ட கால உச்சத்தில் பங்கேற்கலாம் என்பதை அவர்கள் புரிந்துகொள்கிறார்கள்.
ஐபிஎல், கிரிக்கெட்டை மறுவரையறை செய்தது போல், அப்ஸ்டாக்ஸ், தனது வாடிக்கையாளர்களுக்கான முதலீடுகளை மறுவரையறை செய்வதை நோக்கமாகக் கொண்டுள்ளது. நாங்கள் ஆண்டுக்கு ஆண்டு 3 மடங்கு வளர்ச்சியடைந்துள்ளோம், இந்த ஆண்டும் இதேபோன்ற வளர்ச்சிப் பாதையை எதிர்பார்க்கிறோம். இந்த பிரச்சாரம் இந்தியாவில் பங்கு முதலீட்டு கலாச்சாரத்தை வளர்க்க உதவும், மேலும் அதிகமான இந்தியர்கள் தங்கள் நிதி எதிர்காலத்தை பொறுப்பேற்க ஊக்குவிக்கும் என்பதில் நாங்கள் உறுதியாக இருக்கிறோம்.”
மல்டிமீடியா மார்க்கெட்டிங் பிரச்சாரத்தில், தொலைக்காட்சி, டிஜிட்டல் மற்றும் சமூக ஊடக தளங்கள் ஆகியனவற்றில் விளம்பரங்கள் அடங்கும். பெருநகரங்கள் மற்றும் பெரிய பட்டணங்களில் இலக்குப் பிரிவுகளைச் சென்றடைய டிஜிட்டல் பயன்படுத்தப்பட்டாலும், அடுக்கு-2 மற்றும் அடுக்கு 3 நகரங்களுக்கான மீடியா கலவையில் தொலைக்காட்சி ஆதிக்கம் செலுத்தும்.
2008 ஆம் ஆண்டு கிரிக்கெட் லீக் தொடங்கப்பட்டதிலிருந்து ஐபிஎல் உடன் கூட்டு சேர்ந்த முதல் தரகு நிறுவனம் அப்ஸ்டாக்ஸ் ஆகும். இந்நிறுவனம் தற்போது 9 மில்லியனுக்கும் அதிகமான வாடிக்கையாளர்களைக் கொண்டுள்ளது மற்றும் நாட்டின் தொலைதூர மூலைகளில் வசிக்கும் பயனர்களை சென்றடைவதை நோக்கமாகக் கொண்டுள்ளது. அப்ஸ்டாக்ஸ் இயங்குதளத்தின் பயனர் நட்பு இடைத்தளம் முதலீட்டை எளிமையாக்குகிறது மேலும் அவர்களின் கல்வி உள்ளடக்கம், பயனர்களுக்கு தகவலறிந்த முதலீட்டு முடிவுகளை எடுக்க மேலும் அதிகாரம் அளிக்கிறது. மேம்பட்ட தொழில்நுட்பத்தால் இயக்கப்படும், அப்ஸ்டாக்ஸ், வாடிக்கையாளர்களுக்கு நிதிச் சந்தையைப் பற்றிய நுணுக்கமான புரிதலைச் திரட்டவும், அவர்களின் முதலீடுகளைக் கட்டுப்படுத்தவும் உதவுகிறது என்றார்.
For English News
