March 1, 2025 
தண்டோரா குழு
இந்தியன் சொசைட்டி ஆஃப் காஸ்ட்ரோ என்டாலஜி,தமிழ்நாடு கிளையின் ஆண்டு கூட்டம் 2025 மார்ச் 1 மற்றும் 2 தேதிகளில் கோவை பிஎஸ்ஜி இன்ஸ்டிடியூட் ஆப் மெடிக்கல் சயின்சஸ் & மருத்துவமனையில் நடைபெற்று வருகிறது.
மாநாட்டின் முதல் நாளான இன்று,250 க்கும் மேற்பட்ட மருத்துவர்கள்,ஆராய்ச்சியாளர்கள் மற்றும் மாணவர்கள் கலந்து கொண்டனர். இதில் நாட்டின் முன்னணி இரைப்பைக் குடலியல் நிபுணர்கள் பங்கேற்று சமீபத்திய மருத்துவ முன்னேற்றங்களை விளக்கும் அதிநவீன விரிவுரைகளை வழங்கினர்.
கல்லீரல்,செரிமான உறுப்புகள் மற்றும் கணையம் தொடர்பான நோய்கள் குறித்த முக்கியமான விவாதங்கள் நடைபெற்றன. குறிப்பாக,முன்னணி நிபுணர்களின் குழு விவாதங்கள் புதிய சிகிச்சை முறைகள், கண்டுபிடிப்புகள் மற்றும் மருத்துவ முன்னேற்றங்களைப் பற்றிய தெளிவான பார்வையை வழங்கின.
இந்த இருநாள் மாநாடு, குடலியல் மருத்துவ துறையில் மேற்கொள்ளப்படும் புதிய முயற்சிகள் மற்றும் ஆராய்ச்சிகளை பகிர்ந்து கொள்ளும் ஒரு சிறந்த வாய்ப்பாக அமையும் என்பது குறிப்பிடத்தக்கது.
For English News
