April 13, 2017 
தண்டோரா குழு
இந்தியாவின் 50,000 கிராமங்களுக்கு இன்னும் மொபைல் சேவை வழங்கப்படாமல் உள்ளது என மத்திய தொலைதொடர்புத் துறை அமைச்சர் மனோஜ் சின்ஹா தெரிவித்துள்ளார்.
மக்களவையில் நேற்று மத்திய தொலைதொடர்ப்புத் துறை தொடர்பாக எதிர்க்கட்சிகள் எழுப்பிய கேள்விகளுக்கு பதிலளித்தமத்திய தொலைதொடர்ப்புத்துறை அமைச்சர் மனோஜ் சின்ஹா,
இந்தியாவின் அனைத்து பகுதிகளுக்கும் மொபைல் சேவை சென்றடைந்துவிட்டது என நாங்கள் ஒருபோதும் கூறியதில்லை. இன்னும் 50,000 கிராமங்களுக்கு மொபைல் நெட்வொர்க் சேவை வழங்கப்படாமல் உள்ளது என்று கூறினார். குறிப்பாக நக்சல்களின் கட்டுப்பாட்டில் உள்ள வடகிழக்கு மாநிலங்கள், அந்தமான்&நிக்கோபார் தீவுகள், லக்ஷத்வீப் தீவுகள் உள்ளிட்ட பகுதிகளின் பெரும்பாலான கிராமங்களில் இன்னும் மொபைல் நெட்வொர்க் சேவை வழங்கப்படாமல் உள்ளது”என்றார். மேலும், அனைத்து மாநிலங்களில் உள்ள தொலைத்தொடர்பு அதிகாரிகளுக்கும் இதுதொடர்பான கணக்கெடுப்பை நடத்துமாறும் தெரிவிக்கப்பட்டுள்ளதாக கூறினார்.
அதைபோல், இந்தியாவின் தொலைநோக்கு திட்டமான ’பாரத்நெட்’ மூலமாக 2 லட்சத்து 50 ஆயிரம் கிராமங்களுக்கு 100 MBPS வேகத்தில்தொலைதொடர்பு சேவைகள் வழங்க திட்டமிடப்பட்டுள்ளது. இதற்காக முதற்கட்டமாக 1 லட்சம் கிராமங்களுக்கு தொலைதொடர்பு சேவை வழங்கும் பணி நடைபெற்று வருவதாக மத்திய அமைச்சர் ‘மனோஜ் சின்ஹா’ தெரிவித்தார்.
For English News
