July 11, 2017 
தண்டோரா குழு
இந்திய கிரிக்கெட் அணியின் புதிய பயிற்சியாளர் இன்னும் தேர்வு செய்யப்படவில்லை என பிசிசிஐ விளக்கம் அளித்துள்ளது.
இந்திய கிரிகெட் அணியின் பயிற்சியாளராக இருந்த அனில் கும்ப்ளே கடந்த மாதம் ராஜினாமா செய்தார்.தலைமை பயிற்சியாளருக்கான நேர்காணல் நேற்று மும்பையில் நடைபெற்றது. இதில் இந்திய அணியின் முன்னாள் நட்சத்திரங்களான சச்சின், கங்குலி மற்றும் விவிஎஸ் லட்சுமன் ஆகியோர் அடங்கிய குழு நேர்காணலை நடத்தியது.
இதனைத் தொடர்ந்து இந்திய அணியின் புதிய பயிற்சியாளர் குறித்து ஓரிரு நாளில் முடிவு செய்யப்படும் என்று கங்குலி தெரிவித்திருந்தார். இந்நிலையில், கேப்டன் கோலியுடனான ஆலோசனைக்கு பிறகு இந்திய கிரிக்கெட் அணியின் பயிற்சியாளராக இந்திய அணியின் முன்னாள் கேப்டன் ரவி சாஸ்திரி நியமிக்கப்பட்டுள்ளார். இவர் 2019 உலக கோப்பை வரை பயிற்சியாளராக இருப்பார் என பிசிசிஐ அறிவித்தாக செய்திகள் பரவின.
ஆனால், இந்த செய்தியை பிசிசிஐ மறுத்துள்ளது. மேலும், இந்திய கிரிக்கெட் அணியின் புதிய பயிற்சியாளர் இன்னும் தேர்வு செய்யப்படவில்லை என பிசிசிஐ விளக்கம் அளித்துள்ளது.
For English News
