February 24, 2017 
தண்டோரா குழு
கோடியக்கரை பகுதியில் தமிழக மீனவர்கள் மீன் பிடித்துக் கொண்டிருந்தபோது அங்கு வந்த இலங்கை மீனவர்கள் அவர்களைத் தாக்கியுள்ளனர். அதில் 4 தமிழக மீனவர்களுக்குப் படுகாயம் ஏற்பட்டுள்ளது.
பாம்பன் நாட்டுப் படகு சங்கத் தலைவர் எஸ். அருள் கூறுகையில், “முதலில், கையில் துப்பாக்கியை வைத்துக்கொண்டு தமிழக மீனவர்களை மிரட்டியுள்ளனர். பிறகு, அவர்களைக் கூர்மையான ஆயுதங்களால் தாக்கியுள்ளனர். அவர்களுடைய வலைகள், உபகரணங்கள், கைபேசி, வாக்கி-டாக்கி சாதனம் ஆகியவற்றை எடுத்துச் சென்றுவிட்டனர்.
மீன் பிடிப்பதற்காக வெள்ளிக்கிழமை (பிப்ரவரி 24) காலையில் பாம்பனில் இருந்து கடலுக்குள் 7 பேர் அடங்கிய குழுவில் ஒரு பகுதியாக அவர்கள் சென்றனர். மற்றவர்கள் பத்திரமாகத் திரும்பி வந்தனர்.
படுகாயமடைந்த 4 மீனவர்களை அருகில் உள்ள மருத்துவமனையில் சேர்த்துள்ளோம். மருத்துவர்கள் அவர்களுக்குச் சிகிச்சை அளித்து வருகின்றனர்” என்றார்.
For English News
