February 22, 2022 
தண்டோரா குழு
“அதிமுகவின் கோட்டை என்று சொன்ன கொங்கு மண்டலத்தில் பெரும் வெற்றியை பெற்றுள்ளோம்” என முதல்வர் மு.க.ஸ்டாலின் கூறியுள்ளார்.
சென்னை அண்ணா அறிவாலயத்தில் தமிழக முதலமைச்சர் மு.க.ஸ்டாலின் செய்தியாளர்களை சந்தித்தார்.
அப்போது பேசிய அவர்,
கடந்த 9 மாத கால திமுக ஆட்சிக்கு மக்கள் கொடுத்துள்ள நற்சான்றுதான் இந்த வெற்றி; திராவிட மாடல் ஆட்சிக்கு மக்கள் தந்துள்ள அங்கீகாரம் இது.அதிமுகவின் கோட்டை என்று சொல்லக்கூடிய கொங்கு மண்டலத்திலும் நாங்கள் ஜெயித்து இருக்கிறோம்.
திமுக மீதான மக்களின் நம்பிக்கையை 100% காப்பாற்றுவோம்.உள்ளாட்சியில் பெண்களுக்கு தரப்பட்ட ஒதுக்கீட்டால், சமூகத்தில் சரிபாதி பெண்கள் பொறுப்புகளுக்கு வந்திருக்கிறார்கள்; இது திராவிட மாடல் புரட்சியாகும்.
எந்த புகாரும் வரக்கூடாது; தொடர்ந்து கண்காணிப்பேன். தவறு செய்தால் யாராக இருந்தாலும் நிச்சயமாக நடவடிக்கை எடுக்கப்படும் என்றார்.
For English News
