April 25, 2017 
தண்டோரா குழு
சத்தீஸ்கரில் மாவோயிஸ்ட்கள் நடத்திய தாக்குதலில் உயிரிழந்த தமிழகத்தை சேர்ந்த 4 சி.ஆர்.பி.எப் வீரர்கள் குடும்பத்துக்கு தலா ரூ.20 லட்சம் நிதியுதவி அளிக்கப்படும் என்று தமிழக முதலமைச்சர் எடப்பாடி பழனிச்சாமி அறிவித்துள்ளார்.
சத்தீஸ்கர் மாநிலம் சுக்மா மாவட்டத்தில் உள்ள சிந்தாகுவா பகுதியில் நேற்று மதியம் மத்திய பாதுகாப்பு படையினர் (சி.ஆர்.பி.எப்) வீரர்கள் ரோந்து பணியில் ஈடுபட்டு இருந்தனர். அப்போது அந்த பகுதியில் வீரர்கள் மீது மாவோயிஸ்ட்கள் திடீர் துப்பாக்கிச்சூடு நடத்தினர். இதில் 26 சி.ஆர்.பி.எப் வீரர்கள் பலியாகினர்.
சேலம் கெங்கவல்லியை சேர்ந்த திருமுருகன், தஞ்சை நல்லூரை சேர்ந்த பத்மநாபன், திருவாரூர் நீடாமங்கலத்தை சேர்ந்த செந்தில்குமார், மதுரை பெரியபூலாம்பட்டியை சேர்ந்த அழகுபாண்டி ஆகிய நான்கு தமிழக வீரர்கள் இந்த தாக்குதலில் பலியாகினர் என்பது குறிப்பிடத்தக்கது.
இந்நிலையில் உயிரிழந்த 4 தமிழக வீரர்கள் குடும்பத்துக்கும் தலா ரூ.20 லட்சம் நிதியுதவி அளிக்கப்படும் என தமிழக முதல்வர் எடப்பாடி பழனிச்சாமி அறிவித்துள்ளார்.
For English News
