February 13, 2025 
தண்டோரா குழு
இந்திய சர்வதேச ஜவுளி இயந்திர கண்காட்சி சங்கம் சார்பில் மும்பை, கோரேகானில் உள்ள பம்பாய் கண்காட்சி மையத்தில் அடுத்த மாதம் பிப்ரவரி 21-ந்தேதி முதல் பிப்ரவரி 23-ந்தேதி வரை உலகளாவிய ஜவுளி தொழில்நுட்பம் மற்றும் பொறியியல் கண்காட்சி நடைபெற உள்ளது.
இந்திய சர்வதேச ஜவுளி இயந்திர கண்காட்சி சங்கம் சார்பில் நடைபெறும் இந்த கண்காட்சி, உலகெங்கிலும் உள்ள ஜவுளித் தொழில் மற்றும் பொறியியல் துறையின் சமீபத்திய முன்னேற்றங்கள், புதுமைகள் மற்றும் வாய்ப்புகளை வெளிப்படுத்தும் வகையில் உலகளாவிய ஜவுளி கண்டுபிடிப்புகளை காட்சிப்படுத்த உள்ளது.
இது குறித்து இந்திய சர்வதேச ஜவுளி இயந்திர கண்காட்சி வழிகாட்டுதல் குழுவின் தலைவரும் உறுப்பினருமான கேதன் சங்வி கூறுகையில்,
உலகளாவிய ஜவுளி தொழில்நுட்பம் மற்றும் பொறியியல் கண்காட்சி 2025 என்பது உலகளாவிய ஜவுளி மற்றும் இயந்திரத் துறையில் மாறிவரும் தேவைகளுக்கு ஏற்ப செயல்படுவதை நோக்கமாகக் கொண்ட ஒரு மாற்றத்தை ஏற்படுத்தும் நிகழ்ச்சியாகும். நூல் மற்றும் இழைகளுக்கு அப்பால், சுற்றுச்சூழலுக்கு உகந்த நடைமுறைகள் மற்றும் நிலையான வளர்ச்சியுடன் நெசவு, பதப்படுத்துதல், முடித்தல், ஆடைகள், பின்னல் மற்றும் தொழில்நுட்ப ஜவுளி ஆகியவற்றில் அதிநவீன முன்னேற்றங்கள் குறித்தும் இந்த கண்காட்சியில் இடம் பெற உள்ளது.
புதுமையான தீர்வுகள், தயாரிப்பு வெளியீடுகள் மற்றும் விலைமதிப்பற்ற நெட்வொர்க்கிங் வாய்ப்புகள் குறித்து இதில் பங்கேற்பவர்கள் விளக்கிக் கூற இருக்கிறார்கள். மும்பையில் நடைபெற உள்ள உலகளாவிய ஜவுளி தொழில்நுட்பம் மற்றும் பொறியியல் கண்காட்சி 2025, இந்தியாவின் ஜவுளித் தொழிலின் ஒரு முக்கியமான பயணத்தைக் குறிக்கிறது.
இந்த கண்காட்சியானது 8 முக்கிய பிரிவுகளில் 175 கண்காட்சியாளர்களை ஒன்றிணைத்து இந்திய ஜவுளி சுற்றுச்சூழல் அமைப்பை மேம்படுத்த உள்ளது. மேம்பட்ட நெசவு, இயந்திரங்கள், நிலையான செயலாக்க தீர்வுகள், டிஜிட்டல் பிரிண்டிங் மற்றும் பின்னல் தொழில்நுட்பங்கள் ஆகியவற்றிலும் இந்த கண்காட்சி சிறப்பு கவனம் செலுத்த உள்ளது.மேலும் நெசவு சம்பந்தமாக 42 கண்காட்சியாளர்களும், செயலாக்கம் தொடர்பாக 38 கண்காட்சியாளர்களும் இதில் பங்கேற்க உள்ளனர். இந்திய ஜவுளி சந்தை 2030 ஆம் ஆண்டுக்குள் 350 பில்லியன் அமெரிக்க டாலர்களை நோக்கி வளர்ச்சிப் பாதையில் செல்லத் தயாராக உள்ளது, அதே நேரத்தில் ஜவுளி ஏற்றுமதி 100 பில்லியன் அமெரிக்க டாலர்களை எட்டும் என்று எதிர்பார்க்கப்படுகிறது.
இந்த தொலைநோக்குப் பார்வையை அடைவதற்கு இந்த கண்காட்சி உறுதுணையாக இருக்கும். மேலும் பசுமை தொழில்நுட்பங்களும் நிலையான தீர்வுகளும் இதில் மிகப்பெரிய சிறப்பு அம்சங்களாக இருக்கும். இந்த கண்காட்சியில் ஜெர்மனி, சுவிட்சர்லாந்து மற்றும் சீனா உள்ளிட்ட நாடுகளைச் சேர்ந்த ஜவுளி தொழில்நுட்பங்களின் முன்னணி நிறுவனங்களும் பங்கேற்க உள்ளன. 25 ஆயிரத்துக்கும் மேற்பட்ட நிபுணர்கள் பங்கேற்க உள்ள இந்த நிகழ்ச்சியில் ஆஸ்திரேலியா, பங்களாதேஷ், சீனா, ஜெர்மனி, அமெரிக்கா உள்ளிட்ட 27க்கும் மேற்பட்ட நாடுகளும் பங்கேற்க உள்ளன.
அதன் ஒரு பகுதியாக, இலங்கை, கானா மற்றும் எத்தியோப்பியா ஆகிய நாடுகளைச் சேர்ந்த சர்வதேச பிரதிநிதிகளை உள்ளடக்கிய வர்த்தக கூட்டங்களும் இந்தியாவுடனான வர்த்தக ஒத்துழைப்பு குறித்த கூட்டங்களும் நடைபெற உள்ளன. இது ஒரு வர்த்தக கண்காட்சியாக மட்டுமல்லாமல், இந்திய ஜவுளித் தொழிலை உலக அளவில் உயர்த்துவதற்கான ஒரு நிகழ்ச்சியாகவும் இருக்கும். இந்திய சர்வதேச ஜவுளி இயந்திர கண்காட்சி சங்கம் சார்பில் பிப்ரவரி 21-ந்தேதி முதல் பிப்ரவரி 23-ந்தேதி வரை மும்பையில் நடைபெறும் உலகளாவிய ஜவுளி தொழில்நுட்பம் மற்றும் பொறியியல் கண்காட்சியில் ஈரோடு ஜவுளி துறையினர் பங்கேற்க அழைப்பு விடுக்கப்பட்டுள்ளது
For English News
