October 13, 2021 
தண்டோரா குழு
கோவை மாவட்ட ஆட்சியர் அலுவலகத்தில் செய்தி துறை சார்பில் அமைக்கப்பட்டுள்ள நிரந்தர புகைப்பட கண்காட்சி அரங்கை தமிழக செய்தித்துறை அமைச்சர் வெள்ளகோவில் சாமிநாதன் இன்று திறந்து வைத்தார்.
பின்னர் சர்வேத பேரிடர் இன்னல் குறைப்பு தின நிகழ்வினை துவக்கி வைத்து பேரிடங்களில் காலங்களில் பயன்படுத்தப்படும் உபகரணங்களை நேரில் பார்வையிட்டார். பின்னர் செய்தி துறை அமைச்சர் சாமிநாதன் செய்தியாளர்களுக்கு பேட்டியளித்தார்.
அப்போது, நீதிமன்ற உத்திரவு படி போலி பத்திரிகையாளர்களை கட்டுப்படுத்த ஓய்வு பெற்ற நீதிபதி தலைமையில் குழு அமைக்கப்பட இருக்கின்றது. 90 நாட்களுக்குள் குழு அமைக்க உத்திரவிடப்பட்டு இருப்பதாகவும் தெரிவித்தார். மேலும் நடந்து முடிந்த ஊரக உள்ளாட்சி தேர்தலில் கிடைத்த வெற்றி தமிழக முதலமைச்சரின் திட்டங்களுக்கு கிடைத்த வெற்றி எனவும், இந்த குறுகிய காலத்தில் கிடைத்த வெற்றி இன்ப அதிர்ச்சி எனவும் தெரிவித்தார்.
இந்த வெற்றி முழுக்க முழுக்க முதல்வரின் நலத்திட்ட உதவிகளுக்கு கிடைத்த வெற்றி எனவும் தெரிவித்தார். பத்திரிகையாளர்களுக்கு வீட்டு வசதி வாரிய குடியிருப்புகளில் உரிய முறையில் வீடுகள் கிடைக்க நடவடிக்கை எடுக்கப்பட்டுள்ளது.பத்திரிகையாளர்கள் குறித்து நீதிமன்ற உத்திரவு படி அமைக்க இருக்கும் தனிநபர் ஆணையத்தின் மூலம் பத்திரிகையாளர்களின் அனைத்து பிரச்சினைகளுக்கும் தீர்வு கிடைக்கும்.
தனி நபர் ஆணையம் அமைப்பதற்கான பணிகள் நடைபெற்று வருகின்றது. 90 நாட்களுக்குள் ஆணையம் அமைக்க உத்திரவிடப்பட்டு இருக்கும் நிலையில் 40 நாட்கள் மட்டுமே முடிந்து இருக்கின்றது எனவும் ஆணையம் அமைப்பதற்கான பணிகள் நடைபெற்று வருகின்றது எனவும் செய்திதுறை அமைச்சர் வெள்ளகோவில் சாமிநாதன் தெரிவித்தார்.
For English News
