March 28, 2017 
தண்டோரா குழு
மாநில நிர்வாகிகள் கூண்டோடு கலைக்கப்பட்ட பிறகு அவர்கள் எவ்வாறு என்னை நீக்க முடியும்? என்று நடிகரும், தமிழக சட்டப்பேரவை உறுப்பினருமான கருணாஸ் தெரிவித்துள்ளார்.
நடிகர் கருணாஸ் முக்குலத்தோர் புலிப்படை என்ற கட்சியை நடத்தி வருகிறார். 2016-ம் ஆண்டு நடந்த சட்டப்பேரவை தேர்தலில், அ.தி.மு.க.வுடன் கூட்டணி அமைத்து இரட்டை இலை சின்னத்தில் தேர்தலில் நின்று திருவாடானை தொகுதியில் வெற்றி பெற்றார்.
ஜெயலலிதாவின் மறைவிற்கு பிறகு கடந்த சில நாட்களுக்கு முன், முக்குலத்தோர் புலிப்படை நிர்வாகிகளை கூண்டோடு கருணாஸ் கலைத்தார்.
இந்நிலையில் கருணாசை கட்சியை விட்டு நீக்குவதாக அக்கட்சியின் பொதுச் செயலாளர் பாண்டித்துரை இன்று மதுரையில் செய்தியாளர்களிடம் கூறியுள்ளார்.
இது குறித்து கருணாஸ் கூறுகையில் “ கட்சியில் இருந்து என்னை நீக்கும் அதிகாரம் யாருக்கும் இல்லை. மாநில நிர்வாகிகள் கூண்டோடு கலைக்கப்பட்ட பிறகு அவர்கள் எவ்வாறு என்னை நீக்க முடியும்?” என்றார் நடிகர் கருணாஸ்.
For English News
