February 4, 2022 
தண்டோரா குழு
கார் வாடகைக்கு எடுத்து கத்திமுனையில் டிரைவரிடம் செல்போன், பணம் பறித்த
2 பேரை போலீசார் கைது செய்தனர்.
கோவை ரத்தினபுரி கண்ணப்ப நகரை சேர்ந்தவர் மணி (54), கால் டாக்சி டிரைவர். இவர் நேற்று சாயிபாபா காலனியில் இருந்து காரில் 2 பேரை ஏற்றிக்கொண்டு மேட்டுப்பாளையத்திற்கு வாடகைக்கு சென்றார். பின்னர் அங்கிருந்து திரும்பி கோவை வந்தனர்.
காரில் இருந்த 2 பேரும் தங்களை சாயிபாபாகாலனி கே.கே.புதூர் அம்மாசை கோனார் தெருவில் இறக்கிவிடுமாறு தெரிவித்துள்ளனர்.அங்குள்ள காஸ் கம்பெனி அருகே சென்ற போது, காரில் இருந்த 2 பேரும் திடீரென கத்தி முனையில் மணியை மிரட்டி அவரிடம் இருந்த செல்போன் மற்றும் ரூ.2 ஆயிரத்தை பறித்து கொண்டு அங்கிருந்து தப்பி சென்றனர்.
இதுகுறித்து சாயிபாபா காலனி போலீசில் மணி அளித்த புகாரின் பேரில், போலீசார் வழக்குப்பதிவு செய்து விசாரித்தனர்.இதில், கால் டாக்சி டிரைவர் மணியிடம் கத்தி முனையில் செல்போன், பணத்தை பறித்து சென்றது கோவை நரசிம்மநாயக்கன்பாளையத்தை சேர்ந்த கூலி தொழிலாளி பிரபாகரன் (24), சாயிபாபா காலனி கே.கே.புதூரை சேர்ந்த தொழிலாளி வன்னியராஜ் (32) என்பது தெரியவந்தது.
போலீசார் இருவர் மீதும் வழிப்பறி, கொலை மிரட்டல் ஆகிய பிரிவுகளின் கீழ் வழக்குப்பதிவு செய்து, அவர்களை கோர்ட்டில் ஆஜர்படுத்தி சிறையில் அடைத்தனர்.
For English News
