August 30, 2022 
தண்டோரா குழு
கோவை கற்பகம் செவிலியர் கல்லூரி முதலாமாண்டு மாணவிகளின் விளக்கு ஏற்றி உறுதி மொழி ஏற்கும் விழா முனைவர் ரா வசந்தகுமார் நிர்வாக அறங்காவலர் மற்றும் முனைவர் முருகையா தலைமை நிர்வாக அதிகாரி ஆசியுடனும் கல்லூரி முதல்வர் சுதா வழிகாட்டுதலின் படியும் இன்று நடைபெற்றது.
கல்லூரியின் முதல்வர் வரவேற்புரை ஆற்றினார். இவ்விழாவில் கோவை மாவட்ட சுகாதார துறை துணை இயக்குனர் மருத்துவர் அருணா சிறப்பு விருந்தினராக கலந்து கொண்டு சிறப்புரை வழங்கினார்.
அவர் பேசுகையில்,
செவிலியர்களுக்கு முறையான கருத்து பரிமாற்றம் திறனின் முக்கியத்துவத்தை எடுத்துரைத்தார்.மருத்துவர்கள் அருண்குமார், வீரகேசரி,நிர்மலா தேவி கலந்து கொண்டு முறையே தத்தம் வாழ்த்துகளை மாணவிகளுக்கு தெரிவித்தனர்.விழாவில்,கடந்த கல்வியாண்டில் முதல் வகுப்பில் தேர்ச்சி பெற்ற மாணாக்கர்களுக்கும் மற்றும் விளையாட்டில் சிறந்து விளங்கிய மாணாக்கர்களுக்கும் சான்றிதழ் மற்றும் பரிசுகள் வழங்கி கௌரவிக்கப்பட்டது.
பேராசிரியர் மேரி ரீனா நன்றியுரை ஆற்றினார். இது கல்லூரியின் 14 வது மாணவ சேர்க்கை என்பது குறிப்பிடத்தக்கது.
For English News
