April 20, 2016 
தண்டோரா குழு
தமிழ் திரையுலகில் பல்வேறு காமெடி ஜாம்பவான்கள் இருந்தாலும் தனக்கென ஒரு தனி முத்திரையைப் பதித்துக்கொண்டு கிட்டத்தாட நாற்பது ஆண்டுகள் இவர் இல்லாத படமே ஓடாது என்ற நிலையை உருவாக்கியவர் கவுண்டமணி தான்.
நாகேசுக்கு பிறகு நீண்டநாள் தொடர்ந்து நடித்த காமெடி நடிகரும் அவர்தான். சிறு நடிகர்கள் முதல் சூப்பர்ஸ்டார் வரை யாராக இருந்தாலும் தன்னுடைய மனம் நோகாத வகையிலான பேச்சால் கலாய்க்கும் ஒரே நடிகரும் இவர் தான்.
சில வருடங்கள் ஓய்வுக்குப் பிறகு 49ஓ என்ற அரசியல் பேசும் படத்தில் நடித்தார். இது கமர்சியலாக ஓடவில்லை என்றாலும் விவசாயம் குறித்த ஒரு தாக்கத்தை மக்களிடையே ஏற்படுத்தியது. இதனைத் தொடர்ந்து எனக்கு வேறு எங்கும் கிளைகள் கிடையாது என்ற படத்தில் நடித்து வருகிறார்.
இப்படத்தின் இசை வெளியிட்டு விழா இன்று சென்னையில் நடைபெற்றது. விழாவில் இயக்குநர் சுசீந்திரன், நடிகர் விஜய் சேதுபதி மற்றும் சந்தானம் உள்ளிட்ட பலர் கலந்து கொண்டனர்.
விழாவில் சந்தானம் பேசுகையில், காமெடிக்கே ஒரு டிப்போ வைத்திருப்பவர் என்றால் அது கவுண்டமணி அண்ணன் தான், நான் மேடையில் உட்கார்ந்திருந்த சில நிமிடங்களில் இங்கிருந்த பலரையும் கலாய்த்துத் தள்ளிவிட்டார். என்னால் சிரிப்பை அடக்க முடியவில்லை என தெரிவித்தார்.
மேலும் கவுண்டமணி அண்ணனும் அஜித் சாரும் ஒன்று தான் எனக் கூறியவுடன் கூட்டத்தில் சலசலப்பு ஏற்பட்டது. பின்னர் அதற்கு விளக்கம் கொடுத்த அவர் தற்போது தான் நடித்த படமே ஆனாலும் ப்ரோமோசன் உள்ளிட்ட எந்த வகை மேடையிலும் ஏறாதவர் அஜித்.
அதே போல அந்த காலத்தில் மேடை நிகழ்ச்சியில் கலந்துகொல்லாமலும், பேட்டி கொடுக்கக்கூட நேரமில்லாமல் பிசியாக இருந்தவர் கவுண்டமணி அண்ணன். அதனால் தான் அவரை அந்தகாலத்து அஜித் குமார் எனக் குறிப்பிட்டேன் எனத் தெரிவித்தார். மேலும் அண்ணனின் பட விழாவிற்கு என்னை அழைத்ததற்கு மிக்க நன்றி எனவும் தெரிவித்தார்.
ஹாலிவுட் நடிகர் வில் ஸ்மித் பகிர்ந்த சத்குருவின் புகைப்படம்!
விநாயகர் சதுர்த்தியை முன்னிட்டு கோவை வடக்கு மாவட்ட திமுக சிறுபான்மை அணி தலைவர் ஆரோக்கிய ஜான் அன்னதானம்.
கோவை மருத்துவர் டாக்டர் R பாலமுருகனுக்கு மருத்துவ நட்சத்திரம் சிறப்பு விருது
கொடிசியா அருகில் குறைந்த விலையில் “டெல்டா சிட்டி” அடுக்குமாடி குடியிருப்பு திட்டம் திட்டம் துவக்கம்
ஸ்கோடா ஆட்டோ இந்தியா அறிமுகப்படுத்தும் ஆல்-நியூ ஸ்லேவியா மாண்டே கார்லோ
புத்ரி திட்டத்தின் 10வது உத்தியோக உற்சவம்: 400க்கும் மேற்பட்ட மாணவிகளுக்கு தொழில் வழிகாட்டுதல்
For English News
