July 17, 2017 
தண்டோரா குழு
தேனி பெரியகுளம் அருகே லட்சுமிபுரத்தில் உள்ள தனது கிணறு, மற்றும் நிலத்தை அன்பளிப்பாக தர உள்ளதாக ஓ.பன்னீா் செல்வம் தெரிவித்துள்ளார்.
தேனி லட்சுமிபுரத்தில் உள்ள பன்னீா் செல்வத்துக்கு சொந்தமான நிலத்தில் உள்ள கிணறு தோண்டப்பட்டு, ஆழ்துளையிட்டு தண்ணீர் எடுக்கப்படுவதால் நிலத்தடி நீர் பாதிக்கப்படுவதாக கிராம மக்கள் புகார் தெரிவித்தனர்.மேலும் இந்த கிணற்றால் பெரியகுளம் பகுதியில் உள்ள பிற கிணறுகளில் நீா் வற்றிவிட்டதாக ஊா் பொதுமக்கள் சார்பில் குற்றம் சாட்டப்பட்டது.
இதனையடுத்து கடந்த சில தினங்களாக ஊா் பொதுமக்கள் தொடா் போராட்டத்தில் ஈடுபட தொடங்கினா். இதற்கிடையில் கடந்த வாரம், ஓ.பன்னீா் செல்வம் தரப்பில் கிராம மக்களுடன் பேச்சுவார்த்தை நடத்தப்பட்டது.
இந்நிலையில் சென்னையில் இன்று செய்தியாளர்களிடம் பேசிய ஓ.பன்னீா் செல்வம்,
தனக்கு சொந்தமான கிணற்றையும்,நிலத்தையும் கிராம மக்களுக்கு அன்பளிப்பாக தர தயாராக உள்ளதாக கூறியுள்ளார்.
For English News
