August 28, 2024 
தண்டோரா குழு
டாக்டர் தவமணி பழனிசாமி முன்னணி பல்துறை மருத்துவமனையான கேஎம்சிஹெச் மருத்துவமனையின் துணை தலைவராகவும் டாக்டர் என்ஜிபி கல்வி நிறுவனங்களின் செயலாளராகவும் செயல்பட்டு வருகிறார். டாக்டர் என்ஜிபி ஆராய்ச்சி மற்றும் கல்வி அறக்கட்டளை 1990-ம் ஆண்டு துவக்கபட்டது.
டாக்டர் தவமணி தேவி பழனிசாமி குழந்தைகள் மற்றும் பருவ வயதினருக்கான சிறப்பு மருத்துவராக சேவையாற்றி வருவது குறிப்பிடத்தக்கது.மருத்துவத் துறையில் அவரது நீண்ட அனுபவம் உலகத்தரமான வசதிகளுடன் தரமான கல்வி அளிப்பதற்காக பல்வேறு கல்வி நிறுவனங்களையும் துவக்கிட ஊக்கமளிப்பதாய் அமைந்தது. தற்போது மருத்துவ அறிவியல், கலை மற்றும் அறிவியல், பொறியியல் மற்றும் தொழில்நுட்பம், ஆசிரியர் பயிற்சி, சிபிஎஸ்ஈ பள்ளி என 10 கல்வி நிறுவனங்கள் செயல்பட்டு வருகின்றன. இவற்றில் சுமார் 15000 மாணவர்கள் பயின்று வருகின்றனர்.
கடந்த முப்பதாண்டுகளுக்கும் மேலாக கல்வித்துறையில் ஈடுபாட்டுடன் செயல்பட்டு பல சாதனைகள் புரிந்துவரும் டாக்டர் தவமணி தேவி பழனிசாமி அவர்களைப் பாராட்டி கெளரவிக்கும் விதமாக ஐசிடி அகாடமி (ICT Academy) என்ற அமைப்பின் சார்பாக அவருக்கு எஜூகேஷன் சேஞ்ச் மேக்கர் (Education Change Maker Award )என்ற விருது வழங்கப்பட்டுள்ளது.
வருங்கால சந்ததியினரின் தனித்திறமைகளை வளர்த்து வலுவான இந்திய பொருளாதரக் கட்டமைப்பை உருவாக்கவேண்டும் என்ற நோக்கத்துடன் ஐசிடி அகாடமி செயல்பட்டு வருகிறது. இது கொள்கை வகுப்பாளர்கள், தொழிலதிபர்கள்,கல்வியாளர்கள் ஆகியோர் இடம் பெற்றுள்ள ஒரு கூட்டமைப்பாகும்.
தமிழ்நாடு அரசின் தகவல் தொழில்நுட்பம் மற்றும் டிஜிட்டல் சேவைகள் துறை ஆதரவுடன் ஐசிடி அகாடமி தொழில்துறை மற்றும் கல்வி நிறுவனங்கள் பங்கேற்புடன் பிரிட்ஜ்24 (BRIDGE 24)என்ற நிகழ்ச்சியை நடத்தியது. இந் நிகழ்ச்சி கடந்த 20-ம் தேதி கோவை ஹோட்டல் லீ மெரியடினில் நடைபெற்றது.
அதுசமயம் டாக்டர் தவமணி தேவி பழனிசாமி கல்வித்துறைக்கு ஆற்றியுள்ள மிகச்சிறந்த பங்களிப்பிற்காகவும் கல்வித் துறையில் ஒரு குறிப்பிடத்தக்க தாக்கத்தை ஏற்படுத்தி வருவதற்காகவும் அவரைப் பாராட்டி எஜூகேஷன் சேஞ்ச் மேக்கர் என்ற விருதை தமிழ்நாடு அரசின் தகவல் தொழில்நுட்பம் மற்றும் டிஜிட்டல் சேவைகள் துறை அமைச்சர் மாண்புமிகு டாக்டர் பழனிவேல் தியாகராஜன் வழங்கினார்.
டாக்டர் தவமணி தேவி பழனிசாமி இந்த விருது பற்றி மகிழ்ச்சி அடைவதாகவும், அதிநவீன தொழில்நுட்பங்கள் மாணவர்களுக்கு சென்றடையும் வகையில் கல்லூரி உள்கட்டமைப்புகள் உள்ளதாகவும் கூறினார். இத்தகைய விருதுகள் கல்வித்தரத்தை உயர்த்தவும், மாணவர்களின் எதிர்கால தேவைகளை பூர்த்திசெய்யவும், தூண்டு கோலாக அமையும் என்று கூறினார்.
For English News
