March 10, 2022 
தண்டோரா குழு
கோவையின் இன்டேன் சமையல் எரிவாயு பயன்படுத்துவோருக்கு இனி டிஜி்ட்டல் முறையில் பில்கள் வழங்கப்படும். இது மார்ச் 10 முதல் அமலுக்கு வருகிறது. இந்த புதிய முறை கோயம்புத்துார், சண்டிகர், ராஞ்ச்சி மற்றும் சூரத் நகரில் முதல் கட்டமாக அறிமுகமாகிறது.
இந்தியன் ஆயில் நிறுவனத்தின் பசுமையை நோக்கி செல்வோம் என்ற முயற்சியில் ககித பயன்பாட்டினை குறைக்கும் நோக்கில் இது அறிமுகமாகிறது. தற்போது இன்டேன் வாடிக்கையாளர்கள் தங்களது எரிவாயு பெறும்போது காகித பில்களை பெற்று வருகின்றனர்.புதிய இந்த திட்டத்தில், வாடிக்கையாளர்கள் எஸ்எம்எஸ் குறுஞ்செய்தியை அனுப்பி தங்களது கைபேசியில் பெறலாம். அல்லது https://cx.indianoil.in என்ற இணையத்திலும் பார்வையிடலாம். எனினும், வாடிக்கையாளர்கள் சிலிண்டர் வழங்குபவரிடம், சிலிண்டருக்கான தொகையை அறிந்து கொண்டு பணம் தரலாம்.
வாடிக்கையாளர்கள் வழக்கமான பில்களை பெற விரும்பினால், இந்தியன் ஆயில் ஒன் ஆப் அல்லது எரிவாயு விநியோகஸ்தரிடம் தங்களது விருப்பத்தை தெரிவித்து பெறலாம்.
என இந்தியன் ஆயில் தென் மண்டலம்
தலைமை பொது மேலாளர் V. வெற்றி செல்வகுமார் தெரிவித்துள்ளார்.
For English News
