July 3, 2017 
தண்டோரா குழு
அமெரிக்காவில் குழந்தையை பார்த்துக்கொள்ள யாருமில்லாத காரணத்தால், கல்லூரிக்கு செல்ல முடியாத தாய்க்கு, குழந்தையை கல்லூரிக்கு கொண்டு வர கல்லூரி ஆசிரியர் அனுமதி வழங்கிய சம்பவம் பலருக்கு ஆச்சரியத்தை அளித்துள்ளது.
அமெரிக்காவின் டென்னீஸ் சீ நகரை சேர்ந்தவர் மோர்கன் கிங் என்னும் 21 வயது பெண், டென்னீஸ் சீ பல்கலைக்கழகத்தில் குழந்தை மற்றும் குடும்ப ஆய்வுகள் துறையில் படித்து வருகிறார். அவருக்கு 3 மாத பெண் குழந்தை உள்ளது. படிக்க செல்வதால் தனது குழந்தையை அவருடைய தாத்தா மற்றும் பாட்டி பார்த்துக்கொண்டு வந்தனர்.
மோர்கன் கிங்கின் தாத்தா மற்றும் பாட்டி வெளியூருக்கு சென்றதால், மோர்க்கனால் கல்லூரிக்கு செல்ல முடியவில்லை. தன்னுடைய நிலை குறித்து அவருடைய வகுப்பு ஆசிரியர் சாலி ஹன்டருக்கு இ-மெயில் மூலம் செய்தி அனுப்பியுள்ளார்.
“குழந்தையை கவனித்துக்கொள்ள வேண்டியிருப்பதால், உன்னால் கல்லூரிக்கு வர முடியவில்லை என்பதை என்னால் புரிந்துக்கொள்ள முடிகிறது. மீண்டும் இது போன்ற நிலை ஏற்பட்டால், உன் குழந்தையை அழைத்துக்கொண்டு, நீ கல்லூரிக்கு வரலாம். நீ பாடத்தை படித்துக்கொண்டு, பாடத்தின் குறிப்பேடுகளை எழுதுவதால், உன்னால் குழந்தையை வைத்துக்கொண்டு அதை செய்யமுடியாது. அதனால், பாடம் நடத்தும்போது, உன் மகளை நான் என் கையில் வைத்துக்கொள்கிறேன். இதை நான் வேடிக்கையாக சொல்லவில்லை, உண்மையாக சொல்கிறேன். என்று சாலி பதில் எழுதியிருந்தார்.
இந்த இ-மெயில் சமூக வலைத்தளங்களில் வைரலாக பரவியுள்ளது. இதை கண்ட மக்கள் சாலியை மனதார வாழ்த்தியுள்ளனர்.
For English News
