April 14, 2023 
தண்டோரா குழு
கோடை சீசனை முன்னிட்டு சிறப்பு ஊட்டி மலைரயில் இன்று முதல் இயக்கப்படுகிறது.
இதுகுறித்து சேலம் ரயில்வே கோட்டம் வெளியிட்டுள்ள அறிக்கையில்,
ஊட்டி – கேத்தி – ஊட்டி இடையே இன்று 14ம் தேதி முதல் ஜூன் 25 வரை அனைத்து வெள்ளி, சனி, ஞாயிறு, திங்கள் ஆகிய கிழமைகளில் கோடை சீசன் சிறப்பு ரயில் இயக்கப்படும்.
இதேபோல் குன்னூர் – ஊட்டி இடையே காலை 8.20க்கும், ஊட்டி – குன்னூர் இடையே மாலை 4.45க்கும் சிறப்பு ரயில் இயக்கப்படுகிறது.
மேட்டுப்பாளையம் ஊட்டி இடையே நாளை 15ம் தேதி முதல் ஜூன் 24 வரை சனிக்கிழமைகளில் மட்டும் காலை 9.10க்கும், ஊட்டி – மேட்டுப்பாளையம் இடையே 16ம் தேதி முதல் ஜூன் 25 வரை ஞாயிற்றுக்கிழமைகளில் மட்டும் காலை 11.25க்கு சிறப்பு ரயில் இயக்கப்படும், என கூறப்படுகிறது.
For English News
