July 7, 2017 
தண்டோரா குழு
தீப்பெட்டி தொழிலுக்கு மத்திய அரசு 18 சதவீத ஜீ.எஸ்.டி வரிவிதிப்பு செய்யப்பட்டதற்கு எதிர்ப்பு தெரிவித்து தமிழகம் முழுவதும் தீப்பெட்டி ஆலைகள் கடந்த 7 நாள்களாக தொடர் வேலை நிறுத்தப் போராட்டத்தில் ஈடுபட்டுள்ளனர்.
இந்நிலையில் தீப்பெட்டி தொழிலாளர்களுக்கு ஆதரவாக தூத்துக்குடி மாவட்டம் கோவில்பட்டி பயணியர் விடுதி முன்பு வட்டார தீப்பெட்டி தொழிலாளர்கள் சங்கம் சி.ஐ.டி.யூ சார்பில் கண்டன ஆர்ப்பாட்டம் நடைபெற்றது.
பகுதி நேர தீப்பெட்டி தொழிலுக்கு தற்போது விதிக்கப்பட்டுள்ள 18 சதவீதத்தில் இருந்து 12 சதவீதமாக குறைக்க வேண்டும், இந்த தீப்பெட்டி தொழிலை நம்பியுள்ள தொழிலாளர்கள் பாதுகாக்க வேண்டும், பகுதி மற்றும் முழு இயந்திர தீப்பெட்டிக்கு இடையிலான வரிவித்தியாசம் இருக்க வேண்டும் என்ற கோரிக்கைகள் ஆர்ப்பாட்டத்தின் போது வலியுறுத்தப்பட்டன.
இந்த ஆர்ப்பாட்டத்தில் 300-க்கும் மேற்பட்ட தொழிலாளர்கள் பங்கேற்று கண்டன கோஷங்களை எழுப்பினர்.
For English News
