September 7, 2021 
தண்டோரா குழு
கோவையில் 144 கீ.மீ தூரம் மெட்ரோ ரயில் திட்ட செயல்படுத்துவது தொடர்பாக சார்டிலைட் உதவியுடன் சர்வே பணி தீவிரமாக நடைபெற்று வருகிறது.
கோவை மாவட்டத்தில் கணியூர் முதல் உக்கடம் வரை 26 கி.மீ தூரத்திற்கும், பிளிச்சி முதல் உக்கடம் வரை 24 கி.மீ தூரத்திற்கும், கணேசபுரம், காருண்யா நகர் முதல் உக்கடம் வரை 44 கி.மீ தூரத்திற்கும், வெள்ளலூர் பஸ் ஸ்டாண்ட் முதல் உக்கடம் பஸ் ஸ்டாண்ட் வரை 8 கி.மீ தூரத்திற்கும் மெட்ரோ ரயில் திட்டம் மேற்கொள்ளப்படவுள்ளது.
மொத்தமாக 144 கி.மீ தூரத்திற்கு மெட்ரோ ரயில் சேவை துவக்கும் வகையில் சர்வே பணி நடத்தப்பட்டு வருகிறது. கோவை ஆட்சியர் அலுவலகம் அருகே, அவினாசி சாலை வழிகள், பெரியகடை வீதி, உக்கடம் உள்ளிட்ட பல்வேறு பகுதிகளில் இந்த சர்வே பணிகள் சார்டிலைட் உதவியுடன் நடைபெற்று வருகிறது.
கோவை நகரில் 136 கி.மீ தூரம் மட்டுமே மெட்ரோ ரயில் சேவைக்காக திட்டம் தயாரிக்கப்பட்டது.தற்போது இந்த திட்டத்தில் வெள்ளலூர் பஸ் ஸ்டாண்ட் இணைப்பு சேவை சேர்க்கப்பட்டுள்ளது. இந்த சர்வே பணிகளை இம்மாதம் இறுதிக்குள் முடிக்க அறிவுறுத்தப்பட்டுள்ளது.சர்வே பணிகள் முடிந்ததும் முதல் கட்ட தகவல் அறிக்கை தயார் செய்யப்படும் என அதிகாரிகள் தெரிவித்தனர்.
For English News
