November 5, 2021 
தண்டோரா குழு
தீபாவளி பண்டிகையை முன்னிட்டு கோவையில் டாஸ்மாக் கடைகளில் மது விற்பனை அதிகரித்து காணப்பட்டது. கோவை மாவட்டத்தில் நேற்று மட்டும் ஒரே நாளில் ரூ.16 கோடியே 19 லட்சத்திற்கு மது வகைகள் விற்பனையாகி உள்ளன.
இதுகுறித்து டாஸ்மாக் அதிகாரிகள் கூறியதாவது:
கோவை மாவட்டத்தில் மொத்தம் 294 டாஸ்மாக் கடைகள் உள்ளன. நிர்வாக வசதிக்காக கோவை வடக்கு மற்றும் கோவை தெற்கு என்று பிரிக்கப்பட்டு உள்ளது. இதில் கோவை வடக்கில் 158 டாஸ்மாக் கடைகளும், தெற்கில் 136 டாஸ்மாக் கடைகளும் உள்ளன.
இதில் நேற்றுமுன்தினம் கோவை வடக்கில் ரூ 8 கோடியே 50 லட்சத்திற்கும், கோவை தெற்கில் ரூ. 7 கோடியே 69 லட்சத்திற்கும் என மாவட்டம் முழுவதும் ஒரே நாளில் ரூ.16 கோடியே 19 லட்சத்திற்கு மது விற்பனையானது.
இவ்வாறு அவர்கள் கூறினர்
For English News
