April 5, 2022 
தண்டோரா குழு
கோவை மாநகராட்சியில் பணி புரியும் ஒப்பந்த தூய்மை பணியாளர்கள் 7 பேரை பணியில் இருந்து நீக்கிய, சுகாதார ஆய்வாளர் மற்றும் சுகாதார மேற்பார்வையாளரை கண்டித்து, இன்று கோவை மேற்கு மண்டல சுகாதார அலுவலகம் முன்பு தூய்மை பணியாளர்கள் உள்ளிருப்பு போராட்டம் நடத்தினர்.
இது குறித்து தூய்மை பணியாளர்கள் கூறுகையில்,
‘‘கடந்த 5 ஆண்டு காலம் தூய்மை பணியாளராக பணிபுரிந்து வந்த நிலையில், இன்றைக்கு பணிபுரிவதற்கு ஆட்கள் நிறையபேர் இருப்பதால்,உங்களுக்கு இங்கு வேலை இல்லை என்று மேற்கு மண்டல சுகாதார ஆய்வாளரும், சுகாதார மேற்பார்வையாளரும் தெரிவித்துள்ளனர்.
வேலையில் இருந்து நீக்கப்பட்டுள்ள இந்த 7 தூய்மை பணியாளர்களுக்கு மீண்டும் பணி வழங்ககோரி இந்த போராட்டம் நடைபெற்று வருகிறது. பணி நீக்கம் செய்யப்பட்ட பணியாளர்களின் குடும்பங்களையும் கருத்தில் கொண்டு அவர்களுக்கு மீண்டும் பணி வழங்கிட வேண்டும்’’ என்றனர்.
For English News
