December 11, 2022 
தண்டோரா குழு
கோவை நகரில் மிகப்பெரிய கிறிஸ்துமஸ் ஷாப்பிங் திருவிழா 10 மற்றும் 11 ஆகிய தேதிகளில் நடைபெறுகிறது.
ஆண்டுதோறும் கிறிஸ்துமஸ் மற்றும் புத்தாண்டு தினங்களை முன்னிட்டு கோவையில் சான்டாஸ் சோஷியல் சார்பில் கிறிஸ்துமஸ் திருவிழா நடைபெற்று வருகிறது. அதன்படி, 5வது ஷாப்பிங் திருவிழா டிசம்பர் 10 மற்றும் 1 ஆகிய தேதிகளில் நவ இந்தியா அருகே உள்ள அலெக்சாண்டர் ஈக்வெஸ்ட்ரியன் கிளப்பில் நடைபெறுகிறது.
இந்த கிறிஸ்துமஸ் திருவிழாவை கோவை மாநகர காவல் ஆணையர் பாலகிருஷ்ணன் துவக்கி வைத்தார். இதில் 80க்கும் மேற்பட்ட நிறுவனங்களின் ஸ்டால்கள் இடம் பெற்றுள்ளன.உணவுப் பிரியர்களுக்காக பலவகையான உணவு வகைகள் , உங்கள் குழந்தைகளுக்கான விளையாட்டு அம்சங்கள் இதில் இடம்பெற்றுள்ளன. மேலும், இந்த இரண்டு நாட்களும் என்.ஹெச் 47 மற்றும் ஹை ஆன் ஆக்டேவ்ஸின் இசைக்குழுவினரின் இசைக்கச்சேரியும் நடைபெறுகிறது. மேலும், வீட்டு உபயோகப்பொருட்கள், ஆடைகள், பெண் தொழில் முனைவோரின் தயாரிப்புகள் இங்கு இடம்பெற்றுள்ளன.
கேளிக்கைகள் கலை மற்றும் கைவினைப் பட்டறைகள், நெயில் ஆர்ட் மற்றும் முக ஓவியம் மற்றும் விளையாட்டுகள் ஏராளமாக இருப்பதால் குழந்தைகள் முதல் பெரியவர்கள் வரை அனைவருக்கும் ஏற்ற இடமாக இது இருக்கும்.
தினமும் காலை 10 மணி முதல் இரவு 10 மணி வரை இந்த கிறிஸ்துமஸ் திருவிழா நடத்தப்படும் என்பது குறிப்பிடத்தக்கது.
For English News
